NABAWI ra dayon ni Filipino boxing hero Manny Pacquiao ang pound-for-pound no.1 rating sa Yahoo Sports! ranking gikan kang Floyd Mayweather.

Matod ni Kevin Iole sa Yahoo! Sports Kevin Iole nga nakadawat ang bag-ong kongresista sa Sarangani Province og 21 sa 36 ka first place votes ug suma tutal 345 puntos basi sa August poll.

Updates on President Benigno Aquino III's presidency

Labaw si Pacquiao og 15 puntos sa iyang higpit nga karibal nga si Mayweather, kinsa nakakuha og 15 ka first place votes.

Nagtuo si Iole nga ang palpak nga ikaduhang negusasyon sa panagharong nila ni Pacquiao ug Mayweather maoy nakaimpluwensya sa botasyon.

Nagkanayon si Iole nga nasagmuyo ang mga botante sa wala pagsanong ni Mayweather nga makigharong kang Pacquiao ibabaw sa ring.

“Mayweather let pass an opportunity to fight Pacquiao on Nov. 13, with one of his advisors denying negotiations had ever taken place despite the fact that promoter Bob Arum and HBO Sports president Ross Greenburg insisted they had,” pasabot ni Iole sa tahoo sa Yaoo Sports!

“Voters clearly were unhappy with Mayweather’s choice and one left him off of his ballot entirely as a result.”

Nailog ni Mayweather ang no.1 ranking niadtong Mayo human sa iyang kadaugan batok kang Sugar Shane Mosley. Gawas sa Yahoo Sports!, si Pacquiao mao sab ang no.1 pound-for-pound fighter sa The Ring Magazine, nga maoy giingong bibliya sa boksing.

Ang ubang mga nahilakip sa top 10 sa Yahoo Sports! mao sila si No. 3 Paul Williams (230 points), No. 4 Juan Manuel Marquez (194 points), No. 5 Chad Dawson (168 points), No. 6 Sergio Martinez (143 points), No. 7 Timothy Bradley (83 points), No. 8 Wladimir Klitschko (82 points), No. 9 Juan Manuel Lopez (64 points) ug No. 10 Andre Ward (61 points).