ANG akong problem, Noy, mao ni: mabdos ko karon, og two months.

Happy kaayo siya kay naa na gyud siyay anak nako nga dugay na niyang gipangayo. Unya kay dili man ko ganahan kay akong mama maguol gyud. Akong pangandoy mawala na ang tanan. Pwerte gyud nakong guola ron.

Gusto gyud nako nga ipa abort ning akong gisabak. Mao gyud ni ang naa sa akong mind.

Updates on President Benigno Aquino III's presidency

Laing naa sa akong mind mao ang pag-suicide kay di man nako makaya akong problema.

Walay adlaw, nga dili ko magtiyabaw tungod ani. Gusto nako sultihan ang akong mama apan di ko gusto nga magsakripisyo napud siya. Tabangi ko, Noy, kon unsa ang ako angay nga buhaton. Magpaabot ko sa imong tubag, Noy. Salamat and more power.

MISS VIRGO

Miss Virgo,

Daghan kaayong salamat sa imong pagsuwat kanako. Una, akoy mangayo kanimog pasaylo nga wa dayon nako mapublikar ang imong suwat sumala sa akong gisaad kanimo sa miaging buwan. Usahay dunay panahon nga malimtan kini nato. Mao nga dunay mga panahon nga akong susihon ang mga suwat kon wa ba koy nataligam-an.

Duna say panahon nga dunay mga suwat nga wa nako gipublikar ug tubaga kay wa na man kinahanglana.

Anyway, maayo unta kon wa nimo gidayon ang imong duha ka mga plano. Bisan asa ining duha wa man guy maayong linugdangan.

Ang labing maayo mao ang pag-atubang sa imong suliran. Daghan kanato ang mahadlok nga moatubang sa suliran. Mahadlok gyud ta tungod kay wa man kita masayod sa unsay sangkoan or unsay mahitabo sa ubang mga tawo nga apektado. Nahadlok kang maguol na sab ang imong inahan. Ang nahitabo sa una mahimong din a mahitabo karon tungod kay supportive man kaha nang imong uyab.

Siya man kahay gusto gyud nga momabdos ka. So, patubaga siya sa iyang kaakuhan, tinuod man o di nga nagbuwag sila sa iyang asawa. Kay nahigugma man na siya kanimo ug wa gani siya mahadlok nga mopili kanimo inay ang iyang asawa, angay siyang manubag pinaagi sa pag-atubang sa imong inahan. Pinaagi sa iyang assurance nga di ka niya pasagdan ingon man ang imong bata, di na kaayo maguol ang imong inahan.

Hinumdomi sab kanunay nga ang mga suliran sa kinabuhi sama sa panahon, molabay lang.

Sama kini sa uwan nga motuang ra ug mopuli ang sidlak sa adlaw.

Apan kon imo mang buhaton ang bisan unsa man nianang imong duha ka mga plano, hangtod sa hangtod kang mag-antos sa linugdangan niini. Pag-ampo sa Ginuo nga hatagan kag igong kusog ug kanunay kang ubayan Niya ning imong gisagubang karon nga suliran. Don’t ever think nga di ka Niya mapasaylo tungod kay way sala nga di Niya mapasaylo mag unsa man kini ka dako.

He is a loving God, always. Kanang imong kahadlok ug kaguol karon gisakyan kana sa yawa. Don’t be deceived kay kon kinasingkasing kang mangayo og pasaylo sa Ginuo, He is just there waiting for with open arms.

NOY KULAS