NIKIRIG ang usa ka ulitawo human maigo sa mga kinumo dihang gitabangan siya sa pagsuntok atol sa karambola tungod sa pagduwag basketball alas 4:30 sa hapon niadtong Biyernes sa Brgy. Butong, lungsod sa Ronda, Sugbo.

Si Ricky Mirafuentes, 36, ulitawo, way trabaho, namatay diha-diha ug nagbuy-od sa basketbolan sa nahisgutang dapit dihang naabtan sa ningresponding mga pulis sa Ronda Police Station.

Updates on President Benigno Aquino III's presidency

Si PO1 Benjie Garcia, desk officer, nga nahinabi sa Sun.Star Superbalita, nagkanayon nga usa ka Johny Paler, barangay tanod sa nahisgutang lugar, maoy nipahibawo sa kapulisan labot sa insidentie

Updates on President Benigno Aquino III's presidency

Matod pa ni Garcia nga si Mirafuentes, mga silingan ug mga kauban niini nagduwag basketball sa wa pa mahitabo ang krimin.

Giingong ang kauban sa biktima sa basketball nga si John Vergel, nasuko ug ang bola gihapos og kusog ngadto na sa board sa ring sa basketbolan human sa grabing ka robo sa ilang kontra.

Ang ilang mga silingang kontra sa duwa naglakip sa mga suspek nga sila Marcelito Vergara 21, ulitawo; Arnulfo Gingpayan, 24, ulitawo;Retchel Embudo,23 ulitawoug Regie Vergara, 19, ulitawo.

Apan human gihapos ni Vergel ang bola, ang usa sa mga suspek nga si Vergara, nasuko ug gisukmag si Vergel diha sa iyang luyo kay nagtalikod niadtong higayuna hinungdan nga nahitabo ang ilang pagsinukmagay.

Samtang ang ubang mga suspek atol sa karambola nga sila si Marcelito ug Gingpayan nagtibangay usab sa ilang pagsuntok kang Mirafuentes hinungdan nga nahagba kini sa yuta ug namatay.

Hinuon sa gipahigayong hot pursuit sa kapulisan nasikop ang upat ka mga suspek ug gitanggong na sa Ronda Police Station samtang gihikay ang tukmang kaso nga ipasaka batok kanila.

Si Garcia niingon nga atol sa karambola diin ang duha ka mga grupo naglinabanay, ang uban niini nagbinonalay og mga kahoy hinungdan nga nakapaukay sa mga residenti sa lugar ug nanawag sa kapulisan.

“Katong biktima nisukol gyud siyag sukmagay. Gitabangan nila ni Marcelito ug Arnulfo pero nagpungasi lagi ang mga kinumo sa duha hinungdan nga nalupig kini ug natumba diin gituohang napantok usab ang ulo niini hinungdan nga namatay diha-diha” sumala pa ni PO1 Garcia.

Samtang ang laing kauban sa biktima nga sila si Joemer Toblis, 20; Junjie Genabe 18, ug si Vergel pulos nakaangkon og mga bun-og sa ilang mga nawong.

Gipadayag niya nga ang mga suspek naila na gyud kining mga maldito sa lugar, ug gikahadlokan.

Gani daghan na kinig mga record kay gireklamo sa mga silingan.

Wa usab isalikway sa kapulisan nga posibling dunay daang bangi ang mga biktima ug ang grupo sa mga suspek nga maoy nakapainit niini sa ilang basketball.

Giduso karon sa kapulisan sa Ronda, nga ipa-ubos sa autopsy ang biktima aron masuta unsay hinungdan sa kamatayon.

Dugang nakuhang impormasyon sa kapulisan nga ang biktima sumala pa sa usa ka midwife sa nahisgutang lungsod nga kapin pa sa tuig nga gipa-ubos sa operation sa iyahang ulo hinungdan nga dihang naigo kini sa kinumo wala makaagwanta ug natumba ug napantok sa bato. (Guam P. Logroño)