PAINGON unta nga mosakay og barko ang 59 anyos nga lolo dihang kalit nga giatake sa sakit sa kasing-kasing niini niadtong Sabado mga alas 6:45 sa gabii sa Macabalan, Pier ning siyudad sa Cagayan de Oro.

Gidala sa pagdali sa mga nakasaksi sa Northern Mindanao Medical Center (NMMC) ning siyudad sa Cagayan de Oro ang biktima nga giilang si Cecilo Rubillo, minyo, lumad nga taga Bucanan, siyudad sa Davao.

Updates on President Benigno Aquino III's presidency

Ang duha ka mga nakasaksi nga mao sila si Romeo Cago ug Ermilendo Gumonit ang nakakita sa biktima nga gikan pa nanaog og trisikad aron unta mopaingon sa pier ug mosakay og barko paingon sa kaulohan dihang kalit lang kining nga giatake ug deretsong naligid.

Kritikal ang kahimtang sa biktima ning panahona sulod sa NMMC ug daw dili malihok ang lawas.

Gipanawagan ang mga hingtungdan sa biktima nga unta bisitahon kini sa balay tambalanan. (SVB)