NAUKAY ang katawhan human nakaplagang patay ang usa ka lalaking gituohang gipaak sa wak-wak sulod sa payag niini niadtong Sabado mga alas 9:00 sa buntag sa Upper Zone-10, Cugman ning siyudad sa Cagayan de Oro.

Giila ang biktima nga si Luis Lumain, 43, minyo residente sa dapit.

Updates on President Benigno Aquino III's presidency

Si PO3 Oscar Alinas sa Police Station 10 (PS10) sa Cugman nibutyag sa Sun.Star SuperBalita nga kwestyonable usab alang kanila ang kamatayon niini human nakitang adunay pinaakan ang liog niini.

Matud ni Alinas nga subay sa ilang inisyal nga imbestigasyon, gibutyag sa mga residente nga giingong daghan og wakwak sa dapit ug gituohang maoy responsible niini.

"Dili man gud matuohan nga ang wakwak pero ang iyang liog mura man og gipaak," matud ni Alinas ug miingon nga dili matubag ang maong mga huhungihong hangtod dili mogawas ang resulta sa otopsiya niini nga kasamtangan pang gihimo.

Adunay naaangkon nga samad sa liog pinaakan ang biktima ug nanglagom usab ang lain-laing parte sa lawas niini.

Wala usab makita ang motibo sa pagpanulis o gikawatan labina nga anaa pa gihapon ang mga butang niini ingon man ang cellphone sa biktima ug dili usab pagpangluba tungod kay wala kini samad nilubaan.

Nakahigayon ang responsable sa pagpatay human nanglakaw ang mga sakop sa pamilya niini niadtong tungora. (Stephanie V. Berganio)