ANDAM na ang tanang preparasyon para sa Kapistahan ni Senior San Agustin. Wala pa misulod ang buwan sa Agosto gipadayag na sa Promote CdeO Foundation, ang organisasyon nga gadumala sa maong kalihokan, ang mga nagkadaiyang kalingawan para sa katawhan ug bisita sa semana sa Kapistahan.

Kung mahinumduman, miagi ang maong organisasyon sa low and high points isip tagdumala sa kalihokan sa piyesta. Tuig 2007 gisugdan nila ang pagdala, sus, gasalimoang pa sila miadto, wala'y igong kumpyansa kanila ang konseho sa dakbayan gawas ni Mayor Dongkoy Emano. Ang pagdala nila sa kapistahan, usa kadto sa mga malampusong lakang ni Mayor Emano tungod kay dili na masudlan og politika ang piyesta kumpara sa mga miaging piyesta. Dako kaayo kadto nga pagsulay para sa Promote CdeO ilabina wala pa sila'y ikapapasigarbo nga abilidad apan ilang naipakita sa ilang mga tigbatikos nga kaya nilang modumala sa hapsay ug malinawong paagi.

Updates on President Benigno Aquino III's presidency

Ika-upat katuig karon nga pagdumala sa Promote CdeO, plastar nila ang kalihukan ug ang uban adunay kausaban. Sulod sa upat ka tuig nila nga pagdumala, saksi nato ang unang tuig tungod kay apil man kita sa maong komitiba. Dili lalim tungod kay daghan tawo agian ayha magawas ang budget apan maayo kaayo pagdala nila tungod kay transparent man kaayo sila. Lahi ra gayud kung pribadong sektor

ang modumala ilabina mga tarong nga mga tawo tungod kay dili nila makaya nga mahugawan ilang kredibilidad.

Sa miaging tuig, usa kadto ka dakong pagsuway sa kredibilidad sa maong organisasyon tungod kay napolitika man kadto siya tungod sa reklamo ni Konsehal Bacal. Reklamo nga wala sa lugar. Apan masabtan siya tungod kay duol man ang eleksyon niadtong panahona. Kinahanglan gayud og publicity ug visibility ang mga politico. Ilabina nga niadtong miaging tuig daghan si Konsehal Bacal og pagsuway usab sa iyang pagka-konsehal. Gawas usab niadto, misyagit usab ang ABS-CBN sa unfair treatment sa ila tungod kay mas gipili sa maong organisasyon ang GMA-7 nga ilang rival. Daghan usab nag-saway sa miaging kapistahan nga gamay ra tawo ug dili kaayo bibo dayon wala na gamit ang media sa dakbayan ilabina sa publisidad niini ug gustong bawion sa konseho ang pagdumala sa kapistahan, lakang nga wala gitugot ni kanhi Mayor Tinnex Jaraula ug niadtong panahona Bise-Mayor Dongkoy Emano.

Gipanghinaut nato karon nga piyesta malampuson. Gibutyag na sa Promote CdeO nga mopagawas sila og 3 milyones ka pesos para sa tanang kalihukan dayon ang exclusibong mo-cover sa tanang kalihokan mao ang GMA 7, nga moabli sa ilang istasyon karong Septyembre. Suportahan nato sila sa tanang kalihokan sa piyesta ug dili nato kalimtan ang pag-ampo sa gihatagan sa maong kalihukan nga si Sr. San Agustin. Advance Happy Fiesta Cagayan de Oro! Maayong adlaw ug daghang salamat!