SI Direktor Pedro Noval sa Department of Interior and Local Government (DILG) sa rehiyon 7 niingon nga iya nang ipatuman ang usa ka memorandum nga nagdili sa mga politiko sa pagbandera sa ilang mga hulagway ug mga ngan sa mga proyekto nga binayran sa mga magbubuhis.

Mingayon na unya kita niini sa love projects sa atong mga kongresista ug mga mayor.

Updates on President Benigno Aquino III's presidency

Makapangutana na unya usab kita kon unsa bay ilang gihimo?

***

Gipasiugdahan kini ni Presidente Noynoy Aquino nga miingon nga di siya gustong makakita sa iyang ngan ug hulagway sa mga proyekto sa kagamhanan sama sa nahitabo sa iyang gipulihan.

Apan unsa man kaha ang epekto niini ngadto sa mga kongresista nga di man sila sakop sa ehekutibo?

Atong kahinumdoman nga dunay separation of powers, busa ang mando sa presidente di makapugos sa mga kongresista ingon man sa hudikatora.

Gawas lang kon mahimong balaod ang balaubnon ni Senador Chiz Escudero nga nagdili niini.

***

Dunay warning si Ebrahim Murad, chairman sa Moro Islamic Liberation Front (MILF) chair, nga andam silang makiggubat kon di ipadayon ang peace talks tali sa iyang pundok ug sa kagamhanan.

“If we are ready for peace, we are also ready for war,” niingon si Murad.

Gubat na sab sa Mindanao?

Andam kaha si PNoy niini?

***

Si Edwin Lacierda, tigpamaba sa Malacanang, niingon nga ang bahad ni Murad pasiatab lang, “just posturing on their part.”

Ang nakalisod sa pasiatab ni Murad kay dunay numero sama sa iyang giingon nga duna silay labing menos 60,000 ka mga arma ingon man duna silay pabrika sa paghimog rocket-propelled grenades.

Apan unsa man ang makuha sa gubat nga di makuha sa sabotsabot?

***

Ang mga huwes sa dakbayan sa Sugbo gihatagan nagdawat na kron og gikan sa P25,000 ngadto sa P45,000 nga allowance gikan sa kagamhanan sa dakbayan sa Sugbo.

Ang mga huwes sa dakbayan sa Mandaue nihangyo usab sa kagamhanan sa maong dakbayan nga umentohan usab ang ilang mga allowance.

Apan nagpakahilom lang ang ubang mga huwes sa lalawigan sa Sugbo.

Naingon na hinuon silag mga second class nga mga huwes.

Unsa kahay mahimo niini ni Gov. Gwen Garcia, ang “Inahan sa Sugbo?”