DEAR Papa Joe,
Maayong adlaw kaninyong tanan. Ako diay si Chona, taga Pardo, 19 anyos. Ang akong problema kay mahitungod sa gugma. Medyo lakin-on ko maong wala ko kauyab. Dili man sad ko batig nawong pero kataw-anan kaayo akong sitwasyon kay naibog kog usa ka bayot.
Iyang pangalan kay Dimple. Macho kaayo man gud ang iyang pangan maorag makakilig.
Wala siya kahibawo nga naibog ko niya. Sige mi og kuyog apan di niya pansin ang akong beauty. Papa Joe, duna bay chance nga mausab iyang pagkatawo ug makagusto siya nako?
Ambot turn on kaayo ko niya. Tambok man ta siya pero sexy man ang iyang dating diri nako. Usahay magtupad mig tulog unya maorag malangit ko nga maghigda nga tupad mi kay humot kaayo siya.
Ambot nabuang man siguro ko, Papa Joe. I wish kami na. Ambot, uy, lahi ra man siya sa tanang bayot kay cute gyud siya. Please tambagi ko unsay buhaton para matagak na siya sa akong kasingkasing. Ubos nimong magtatampo.
CHONA
Day Chona,
Kumusta? Nindota sad na imong tama da. Well it’s not wrong to fall inlove no. Medyo imposible gyud nga mahitabo ang imong damgo nga magkadayon mo sa imong friend nga bayot. Pay pareha mog pagbati. Labi na nga wa nimo masulti na niya ang mahitungod niana. Basin mainsulto ka pa nga makataw-an niya unyag padayag nimo sa imong gibati.
One-sided man gud ang dating sa sitwasyon, apan kon ganahan ka nga mopadayag gyud, feel free.
Siguro naka-mention man ka nga medyo lakin-on ka. Basin niandar ang imong masculine side sa feminine side ni Dimple. Kay nihisgot man ka nga humot siya. Basin gyud og lakin on ka.
Day Chona, basin mawa ra na oy kay bata pa man sad ka. Maybe the right Dimple nga naa sa right gender moabot nimo puhon.
Busa i-charge na lang na sa experience then write us again kon usa na, kay bunga ra na sa ideal person nimo nga sa gay nimo nasugatan.
PAPA JOE