TULO ka mga tawo ang gipamusil-patay sa Metro Cebu niadtong Sabado sa gabii sa dakbayan sa Sugbo, duha ang gipamusil sa managlahing dapit.

Updates on President Benigno Aquino III's presidency

Usa ka Gilbert Abellar, 32, dunay kapuyo laborer ug nagpuyo sa Sitio Panaghiusa, Barangay Basak San Nicolas ang dead-on-arrival (DOA) sa Cebu City Medical Center (CCMC) kini human gipusil sa iyang silingan nga ginganlan og Jay Abessa.

Si PO3 Micahel Codaste, imbestigador sa cebu city homicide section nagkanayon nga ang biktima nagbarugbarog kini sa atubangan sa ilang panimalay uban sa ka live-in nga si Marry Cris Abani, 18.

Dihang kalit lang nibutho ang suspek nagdalag wa matinong armas ug gipusil ang biktima diha sa iyang tuong bahin sa ulo.

Ang suspetsado daling nisibat ug wala na gayud maabti sa mga ni-responding mga police.

Ang kapuyo nibutyga sa kapulisan nga ang iyang kapuyo adunay daang panagbangi tali na sa suspek.

Nianang alas 10:30 sa gabii sa samang adlaw, DOA usab sa CCMC si Aurelio Cuizon, 18, taga Block 3 Barangay Suba human gipusil sa wa mailhing tawo samtang nitambong o disco sa Fish Port, Barangay Sawang Calero.

Matud ni PO3 Codeste nga ang biktima uban kini sa iyahang mga barkada nga nag-disco sa nahisgutang lugar, apan dihang nangihi kini sa may sea wall sa fish port kalit lang gipusil sa wala mailhing tawo ug naigo kini sa iyang buko-buko, ug wang abaga.

Sa laing bahin, patay ang usa ka lalake kinsa nagkanta sulod sa karaoke bar sa dihang natusaktosak sa bala human gipusil sa tulo ka mga wala mailhing tawo, sa dakbayan sa Lapu-Lapu.

Ang namatay giila sa kapulisan nga si Alfredo Aro Jr. alyas Pablo, 23s, ulitawo ug taga barangay Canjulao.

Sigun sa taho sa kapulisan, ang biktima gipusil sa tulo ka mga wala mailhing tawo nga nagsakay motorsiklo.

Si SPO1 Rolito Jumao-as inbestigador sa homicide section nibutyag nga ang nagkanta sulod sa usa ka karaoke bar sa sityo Pasance, barangay Pajo, pasado alas 9:00 sa gabii niadtong Sabado.

Sa dihang kalit lang nitunga ang tulo ka mga tawo nga nagsakayg motorsiklo color itom apan way plate no. samtang ang usa niini nipusil sa biktima sa makadaghang higayon.

Naigo kini sa nagkadaiyang bahin sa lawas ug daling gidala sa Lapu-Lapu District Hospital apan gideklarar nga patay nang nidangat sa tambalanan samtang ang gikatahapan daling nisibat sa wala pa matino nga direksyon.

Ang kapulisan nga nirespondi sa alarma nakakuhag duha ka kabhang sa bala ug usa ka slug nga gituohang iya sa kalibre .45.

Si PO1 Junniefer Alfuerto nga nahinabi sa Sun.Star Superbalita niingon nga hangtud karon silang kapulisan wa pay kasayuran kon unsay motibo ug kinsa ang namumo sanglit dili man taga didto sa dapit ang biktima. (DRT/FVQ/Guam P. Logorño)