Magtiayon sikop sa buy bust

MAGTIAYON nadakpan sa usa ka buy bust sa Philippine Drug Enforcement Agency (PDEA) 7.

Gipusasan sila si Reynaldo Abella,54, ug iyang asawa nga si Perla Abella, human sa buy bust operation kagahapon sa alas 2:20 sa kadlawon sa A.Lopez st., Brgy.Labangon, dakbayan sa Sugbo.

Si Reynaldo, usa ka electrical technician sa iyang shop sa mga sakyanan samtang ang asawa nga si Perla, namaligya og mga pagkaon.

Ang mga ahente sa PDEA 7 nipalit og usa ka bultong shabu nga mobalor og P20,000 gamit ang boodle money.

Atol sa transaction, nakuhaan pa siyag laing 10 ka bulto tanan motimbang og 60 gramos nga mobalor og P220,000.

Ang managtiayong Abella nalakip sa mga watchlist sa PDEA 7 ug dugay na nga gipanid-an.

Lakip sa nakuha ang napulo ka selpon nga gigamit niini sa transaction sa illegal nga drugas.

Ang managtiayon nga nahinabi sa Superbalita Cebu nanghimakak sa mga pasangil batok kanila. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph