DEAR Noy Kulas,

Tawga lang ko sa ngalan nga Ms. Libra. Ang akong suliran bahin sa akong lovelife.

Naa ko’y boyfriend for almost 2 years na. Tawgon lang nato siyang si Mr. Scorpio. Sa sugod man gud, Noy, okay pa kaayo ang among relasyon. Kong mag-away man gani mi di man gyud mograbe og maayo ug siya gyud mismo ang magpaubos. But sukad atong usa ka panghitabo nga akong naguba iyang salig, nausab na siya diri nako. Sakit na kaayo siya manulti kon mag-away mi. Permi niya balik balikon ang akong nabuhat niya. Tungod adto nawagtang ang iyang pagsalig nako. Iya napud balikbalikon nga iya kong gidawat bisag di nako birhen nga nagkaila mi. Maora ba og wala na siya’y respeto nako.

Updates on President Benigno Aquino III's presidency

Basta mag-away mi kay puro na mga sakit nga pulong ang akong madungog gikan niya. Naa pay kausa nga iya kong gi-compare sa usa ka kauban niya sa trabaho nga mas maayo pa kuno tong bayhana kay nako ug mas malipay pa kuno siya kon mao to iyang maminyuan kay mas mabilin pa kuno sa balay. Sa tanan niyang mga gipangsulti nako kay wa gyud koy laing mabuhat kun di ang mohilak na lang kay kahibaw ko nga ako ning sala tanan ug di ko ganahan nga mawala siya nako kay love kaayo nako siya, Noy.

Iya kong giingnan nga kung mawala man gani ko niya di siya magpatulo og luha para nako kay kaila na siya nako ug di na ko niya kinahanglan. Kon dili mi mag-away, Noy, maayo man siya nako. Ingon siya love kuno ko niya ug makasulti man gani kuno siya og mga sakit tungod ra sa kalagot.

Unsay angay nakong buhaton para mabalik diri nako ang iyang salig nako, Noy?

Pwede pa ba nako mabalik, Noy? Ma-save pa kaha ni nako ang among relationship? Please tambagi mi, Noy. Nanghinaut ko nga malamdagan nimo ang among huna-huna. Di ko ganahan mawala siya nako, Noy, kay love gyud kaayo nako siya. Daghang salamat, Noy.Palihug ayaw i-publish akong email add.

MS. LIBRA

Ms. Libra,

Maayong adlaw kaninyong duha. Hinaot unta nga nagbasa mo ning akong column ron. Tinuod diha nagsugod ang imong kasakit tungod sa sayop nga imong nabuhat. Iya kang gipasakitan og estorya matag away ninyo. Iyang ilabay diha sa imong kaugalingon ang imong nangaging mga sayop ingon man niadtong nabuhat nimong sayop nga iyang giisip nga dakong sala. Nabuak gyud ang iyang pagsalig diha nimo. Iyang nadawat nga nahilabtan ka na og laing lalake sa wa pa mo magkauyab. Iya ning gidawat tungod kay nahigugma siya kanimo. At least honest ka diha niya niadtong higayuna. Apan nabuak ni dihang duna kay gibuhat diha sa iyang likod.

Sa bisan asa nga relasyon, ang trust importante kaayo. Kon wa ni, gubot sa lukot ang relasyon tungod kay mamahimo man ning ugat kanunay sa away. Balikbalikon ra ba gyud ni sa offended party ngadto sa nakasala. Kini tungod kay nasakitan sila. Aron makabawos sa kasakit nga ilang gibati, diha pasakitan ka sab og estorya. Or kon di man gani, mobawos sila sa pagbuhat sa gibuhat sa nakasala ug ilang basulon mao ang nakasala. Ila kunohay ning nabuhat tungod ra sab sa nakasala nga partner. And it becomes a cycle.

Wa may lalis nga nagkahigugmaay mo. But at this time, both of you need space. Paglagyo una mo or cool-off aron inyong matimbang kon angay bang ipadayon ang relasyon o di.

NOY KULAS