Dear Noy Kulas,
Tawga lang ko og Kaloy, minyo na ug dunay duha ka mga anak.
Ang akong problema ang wa nay klarong dagan sa among relasyon sa akong asawa sukad siya nakalarga sa abroad. Magsige na lang mi og away kada estorya namo kay mag isig selosay mi.
Gusto unta siya nga maka abroad ko pero sa akong line of work lisod kaayo. Mao to siya ang nanimpalad ug dali rang naka work. Sa first few months okay pa ang dagan sa amoang communication apab nagkadugay nagkabati. Magsuda dayon siya kon dugay ko mauli while ako sab magselos sa iyang mga kaubang lalaki. Hangtod mahimo nang away.
Karon mga one month na kapin nga wa mi communication kay grabe ang away namo last time. Naghisgot ming magbuwag.
Noy, unsa kahay akong buhaton? Daghan ang nag ingon nga mas maayong magbuwag lang una mi aron naay kalinaw. Sa imong tan aw mahilot pa kaha mi?
KALOY
Kaloy,
Way away nga di mahilot kon willing ang both parties nga I-settle. Kon willing ang both parties nga magpaubos o dunay usa nga magpaubos. Pero kon ipatigbabaw gani ang garbo, way paingnan ang away, di mahilot hangtod nga mograbe.
Naay mga magtiayon nga nagpuyo, apan tibuok kinabuhi nga way tagdanay kay pulos taas og garbo. Unya ang away mo-reflect usab ngadto sa mga anak. Kon unsay gibuhat sa mga ginikanan, ingon usab niana ang mga anak. Busa, huna-hunaa usab ninyo kon unsay consequences niining tanan, di lang kay ang inyo rang kaugalingon. Sagad ra ba aning selos duda ray basehanan, way concrete nga ebidensya. Sagad na-influence lang sa external factors.
Pag-estorya mong duha. Unsa may inyong kanunay awayan? Selos? Kinsa may inyong selosan? Nag-iyahay mog duda sa usag usa. Nganong di man mo mag-agree nga wagtangon ang duda.Aron di magdudahay, mag set og constant schedule alang sa communication. Kon dunay mokayo, mohilom ang usa. Estoryahan ang giawayan. Ako, I always believe in “listening is the beginning of understanding.”
NOY KULAS
(Alang sa imong problema, e-mail sa kulassuper@sunstar.com.ph ug rojval69@yahoo.com)