GIDUDAHANG gipaak sa mananap ug dili wak-wak ang usa ka lalaki human kini napalgang patay niadtong niadtong niaging adlaw saUpper Zone-10, Cugman ning siyudad sa Cagayan de Oro.

Ang biktima mao si Luis Lumain, 43, minyo residente sa dapit ug lumad nga taga Compostela Valley ug usa ka machinist sa Oro Phil.

Updates on President Benigno Aquino III's presidency

Si Police Inspector Ullyses Gere, hepe sa Police Station 10 (PS10) sa Cugman, nibutyag sa Sun.Star SuperBalita nga dili katuohan ang tahong gipaak og wakwak si Lumain apan posibleng gipaak og mga mananap sa dapit.

Gihulagway niini nga ang payag nga gipuy-an ni Lumain gitabonan lamang og mga sako ug walay sakto nga pultahan nga posibleng dali lang kaayo nga sudlon ni bisan kinsa.

Gani dihang pagresponde sa kapolisan niadtong tungora, nagbitay ang ulo niini gikan sa katre ug nakita ang pinaakan sa liog.

Ning panahona wala pa gihapon nigawas ang resulta sa otopsiya nga gi-request sa igsuon niini. (SVB)