GITABANGAN og kulata ang usa ka tulisan human nanulis sa duha ka mga tinun-an niadtong Lunes mga alas 10:30 sa gabii sa Gaston Park, ning siyudad sa Cagayan de Oro.

Gibalhog sa prisuhan sa Maharlika Detention Cell si Itoc Ano-os, 24, taga Macanhan ning siyudad human nasapon sa kapolisan.

Updates on President Benigno Aquino III's presidency

Si PO3 Allan Radaza sa Police Station 1 (PS1) sa Divisoria niingon sa Sun.Star SuperBalita gitulis ni Ano-os ang duha ka mga dalaga nga mao sila si Riza V. Manticahon, 19 ug higalang si Jade S. Basco, 19, taga China Village, Carmen ning

siyudad.

Nasayran nga nagsuroy ang mga biktima sa Gaston Park nga bahin dihang kalit lang nga giduolan ni Ano-os ug gitionan og kutsilyo.

Nideklarar og tulis ug pulos gipangayo ang ilang kwarta ug nakuha usab ang cash ni Manticahon nga P2 mil samtang cellphone usab gikan kang Basco.

Dihang molakaw na ang suspetsado, nagsinggit dayon ang mga biktima hinungdan naalarma ang pipila ka mga istambay sa dapit ug gilakag ang suspek.

Dihang nasapon, giayo og kulata hinungdan nakaangkon og pangos ug grabeng bun-og sa kalawasan.

Gidala ang suspek sa PS1 ug giblahog sa prisuhan.

Kagahapong adlawa gikatakdanga pasakaan og kaso ang suspetsado human ang mga biktima desidido sa pag-file kaso batok niini. (SVB)