UPAT ka mga polis ang gipasakaan og administratibong kaso sa Philippine Drug Enforcement Agency (PDEA) sa Northern Mindanao niadtong Lunes sa hapon.

Si Retired Lieutenant Colonel Edwin Layese, PDEA-Northern Mindanao regional director, niila sa mga polis nga mao sila si PO3 Joel Deloso, PO2 Leodegario Sagun Jr., PO2 Rustom Gines, ug PO2 Reymund Seno.

Updates on President Benigno Aquino III's presidency

Si Juliet Caga-anan, kinsa information Officer sa PDEA, nibutyag sa Sun.Star SuperBalita nga nakasupak ang upat ka mga polis sa Article II Section 92 sa Republic Act (RA) 9165 diin mao ang Delay and Bungling in the Prosecution of Drug Cases diin naglatid nga bisan kinsa nga government officer o employee "tasked with the prosecution of drug-related cases under this Act, who, through patent laxity, inexcusable neglect, unreasonable delay or deliberately causes the unsuccessful prosecution and/or dismissal of the said drug cases."

Nasayran nga ang maong mga pulis nagikan sa Police Station (PS) 9 sa Macasandig samtang si Deloso anaa gi-assign sa Police Regional Office (PRO) 10.

Gisaysay ni Layese nga niadtong bulan sa Hunyo tuig 2008, ang upat ka mga polis niaresto kang Emilo Baconga, mulopyo sa Kolambog, Lapasan ning siyudad dihang gipahigayon ang buy-bust operation.

Niini, si Baconga gipasakaan og kasong nakasupak sa RA 9165 or the Comprehensive Dangerous Drugs Act of 2002.

Apan niadtong April 2009, ang maong upat ka mga polis naghatag og joint affidavit of recantation alang sa dismissal sa kaso ug gipasaka sa Regional Trial Court Branch 40.

Uwahi na dihang nahibaw-an ang impormasyon dihang nakadawat og mensahe gikan kang Assistant City Prosecutor Rodrigo D. Talledo Sr. niadtong August 9, 2010.

Gipasabot niini nga dili angay nga i-dismiss ang kaso labina nga heinous crime. (Stephanie V. Berganio)