ANG Eastern Mindanao Command sa Philippine Army nagsugod karon sa paghan-ay sa ilang istratehiya aron makab-ot ang kalinaw sa Mindanao sa 2020.
"We are now in the process of writing our Mindanao Agenda. We will have a series of stakeholder's meeting because we need the help of Local Government Units (LGUs) and private sector," ni Eastmincom commander Lieutenant General Raymundo Ferrer sa pakighinabi sa SuperBalita.
Si Ferrer nagbutyag nga kung mahuman na nila paghan-ay ang Mindanao Agenda, dako ang kahigayonan nga makabaton og malinawon nga kahimtang ang Mindanao.
"We will write a strategy not to address only the New Peoples Army (NPA) and Moro Islamic Liberation Front (MILF) but we will address also the stakeholders," pahayag ni Ferrer.
Gihimong sanglitanan sa maong opisyal ang nahitabo sa Bohol diin ang tanang sektor sa katilingban nagkahiusa batok sa mga NPA.
"Sa Bohol, hindi nila sinuportahan ang terorismo dahil gusto nila ang turismo kaya natapos ang insurhensiya," pasabot ni Ferrer atol sa iyang pakigpulong atol sa 4th Founding Anniversary sa 10th Infantry Division didto sa Camp Panacan niadtong Lunes.
Si Ferrer nagkanayon nga kinahanglan masabtan sa tanang stakeholders ang ilang papel sa katilingban alang sa gitinguha nga kalinaw sa Mindanao.
Ang maong opisyal nagpasabot nga kinahanglan nga ipakita ang mga maayong butang sa katawhan aron mahibalik ang ilang pagsalig sa militar.
"If we can do this, we will win the hearts and mind of the people," suma ni Ferrer kinsa midugang nga maihap nalang ang gidaghanon sa mga rebelde nga naglihuk sa sa lalawigan sa Davao del Norte ug Compostela Valley Province. (AD)