Tsinoy gidagit

USA ka negusyanteng Tsinoy ang gidagit sa alas 5:20 sa hapon niadtong Lunes didto sa siyudad sa Cotabato.

Giila sa kapulisan ang biktima nga mao si Nelson Tan Tai, 45, minyo ug tag-iya sa New Asian Trading nga nahimutang sa dalang Don Rufino Alonzo sa maong siyudad.

Gibutyag ni Cotabato City Police Director Willie Dangane nga walo ka wala mailhing mga armadong lalaki ang misulod sa tindahan sa biktima ug pinugos siyang gipasakay sa usa ka L300 van paingon sa wala matino nga direksyon.

Dali nga gilutos sa mga sakop sa Task Group Tugis ang mga suspetsado apan wa na nila maabti gumikan kay kalit lang nahanaw sa ilang panan-aw.

Narekober sa kapulisan ang gisakyan nga Hyundai van sa mga suspek nga dunay plakang XAZ 382, kolor blue, didto sa Barangay Ungap, Sultan Kudarat, Maguindanao.

Matud ni 603rd Brigade Commander Colonel Ernesto Aradanas nga grupo ni Ustadz Muda ug Kumander Rambo 2 sa Pentagon Kidnap Gang ang midagit sa negusiyante.

Mikatag ang balita sa dakbayan nga P20 milyones ang gipangayo nga ransom money sa mga kidnaper gikan sa pamilya sa biktima. Apan mga otoridad wala pa magkompirma niini.

Nagpadayon karon ang manhunt operation sa militar ug kapulisan batok sa mga kidnaper nga nagtago-tago sa hilit nga dapit sa Maguindanao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph