NAGKANAYON si Mexican Erik Morales nga aduna gihapon siya’y interes nga makigbatok kang pound-for-pound champion Manny Pacquiao sa ikaupat nga higayon.
Hinuon gitino ni Morales nga dili siya desperado nga makuha gyud ang maong oportunidad.
“I would like to fight him again but I am not obsessed with him. I am working to get back to the top, back where I was before, to be top of the plateau. I have a six-fight plan and this is my second one,” matod ni Morales sa interbyu sa www.examiner.com.
Giangkon ni Morales ang iyang knockout nga mga kapildihan sa katapusan nilang duha ka mga away ni Pacquiao apan iyang gipasabot nga tungod kini kay giobligar siya sa kampo ni Pacquiao nga magpau-os og timbang.
Gitumbok niya nga sa premiro nilang away, komportable kaayo siya kay naa man kini sa regular niyang timbang hinungdan nga iyang nalupig si Pacquiao pinaagi sa unanimous decision.
“I will say Manny is a great fighter but I look back and he would give me any weight allowance in our second and third bouts when they knew I couldn’t make 130 pounds.
Pacquiao demanded weight penalties of $500,000 for each pound,” matod ni Morales, kinsa maoy katapusang nakapilde sa garbo sa Pilipinas.
“I was the superior fighter and I had the edge in speed and in skills and I beat him in every department.”
Kabahin sa gipanghinaot sa tibuok kalibutan nga magharong sila si Pacquiao ug Floyd Mayweather Jr., nagtuo si Morales nga dili gyud kini mahitabo.
Asoy niya nga igo rang giduwaduwaan ni Mayweather ang mga tawo nga nangandoy ning maong away. Wala ra siya mohatag og rason kon nganong mao kini ang iyang pagtuo.