GIPABUHAGAY ni kanhi world heavyweight champion George Foreman nga alang kaniya, si pound-for-pound champion Manny Pacquiao gyud ang labing maayong boksidor sa kalibutan ug dili si Floyd Mayweather Jr.
Gipasabot ni Foreman nga kon sa iyang panahon, ang heavyweight maoy labing sikat nga weight division, ning higayuna ang ubos nga timbang na maoy naghari ug bida gyud kaayo niini si Pacquiao.
“Nothing is going on in the heavyweight division. All the life is in the lighterweight divisions. This Pacquiao is the star of the day. Pacquiao is the best fighter out there,” matod ni Foreman sa interbyu sa www.ontheropesboxingradio.com.
Gitataw ni Foreman nga ganahan sab siya ni Mayweather apan alang kaniya, ang numero uno mao gyud ang Pambansang Kamao sa Pilipinas.
“I like Mayweather as well, Floyd Mayweather, but that’s about the size of it. There are so many others who are equally as good out there but the cream of the crop is that Pacquiao,” dugang ni Foreman.
“I just love him. He works out, he trains, and he doesn’t say a whole lot so after his fighting career is over he’ll be known for what he accomplished and not what he said.”
Nidugang si Foreman nga dili ra magkinahanglan si Pacquiao kang Mayweather gumikan kay napamatud-an na niini ang iyang katakos.
Sa laing bahin, nagkanayon ang usa ka tinubdan nga segurado nang makakuha pagbalik og boxing license si Mexican Antonio sa Texas.
Ug tungod niini, hayan segurado na sab nga mapahigayon ang pangharong nila ni Margarito ug Pacquiao sa Dallas Cowboys Stadium.
“A deal has been made, it’s going to go to Dallas and [Margarito] has been assured a license in Dallas,” matod pa sa tinubdan.