NISANG-AT sila si Gabriela party-list Reps. Luzviminda Ilagan ug Emmie De Jesus sa House Bill 1799, ang balaudnon nga maghimong legal sa diborsyo dinhi sa Pilipinas.

Sa pamahayag pa ni Gabriela health and services director Obeth Montes, “For all parties concerned, nothing good could emanate from a marriage where there is no longer respect, love and affection between spouses. Most often, where marriage has taken the turn for the worse, it is the woman who suffers the brunt of it.”

Updates on President Benigno Aquino III's presidency

Matod pa ni Montes, kadaghanan mga babaye maoy biktima sa mga kaso sa domestic violence.

“When a woman is beaten by her husband, she must have the freedom to take her exit out of the marriage; but women at the present do not have this option because existing laws on legal separation and annulment fail miserably to address this reality,” nagkanayon si Montes.

Mao na kaha kini ang sinugdan nga duna na unyay diborsyo sa Pilipinas?

Angay natong masayran nga hugtanong gisupak sa Simbahang Katoliko ang diborsyo. Sa panultion pa sa Simbahan, “Ang gihiusa sa Diyos, di mahimong buwagon sa tawo.” What God has joined together, no man shall put asunder. Bisan si Arsobispo sa Sugbo Ricardo Cardinal Vidal niingon nga ang diborsyo supak sa mga pagtulon-an sa Simbahan.

Tungod kay naglabi man ang mga Katoliko sa  atong nasod, hayan nga tungason ang pagpasar sa maong balaudnon nga kon madayon, maoy sukaranan sa pag-rewrite sa panaad sa magtiayon gikan sa “Till death do us part” ngadto na sa “Till divorce do us part.”

Laing gisupak sa Simbahan mao ang same-sex marriage, kon kaminyuon sa pulos babaye o kaha pulos lalake.

Ubos sa Family Code of the Philippines, ang kaminyuon tali lang gyud sa babaye ug sa lalake. Sumala sa Article niini, Marriage is a special contract of permanent union between a man and a woman entered into in accordance with law for the establishment of conjugal and family life.

Klaro ug tataw nga lalake ug babaye lang ang mahimong magminyo.

Unya permanente pa gyud ang maong panaghiusa ug panagbug-os.

Pero kon ang kaminyuon mosangpot lang sa tumang pag-antos sa habig sa babaye o kaha sa lalake nga naapil sa gitawag mga “under de saya” apan nagpakahilom lang kay mauwaw sa ilang kahimtang, angay tingaling tan-awon ug usisahon ang diborsyo isip paagi nga makaangkon og kagawasan ang hingtungdan.

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga “Alang Kanimo Kapuso” nga gisibya  gikan sa ala-una ngadto sa alas dos sa hapon sa sibyaan DYSS Superadyo sa RGMA network.)

(Sa mga reaksyon kang Atty. Eddie O. Barrita: E-mail: edbarrita@yahoo.com; Cell # 09165805285; Room 201, 18 Cherry Court Bldg., Gen. Maxilom Ave., Cebu City)