BUNGA lang sa kalagot sa mga Estrada sa dihang gisaway ni Senador Jinggoy Estrada atol sa iyang privilege speech sa Senado sa pagtudlo ni kanhi Supreme Court (SC) chief justice Hilario Davide Jr, nga maoy mangulo sa Truth Commission.

“Kaligutgot ra na ni Estrada ngadto ni Papa (Hilario Jr.), kay wa sila makadawat sa pag-impeach ni former President (Joseph) Estrada,” kalma nga tubag ni kanhi Cebu City Councilor Hilario Jun-Jun Davide III sa dihang nahinabi sa dyLA.

Updates on President Benigno Aquino III's presidency

Base sa pamulong ni Senate President Pro Tempore Estrada iyang gihinganlang usa ka dakong oportunista si Davide ug wa kiniy kalainan ngadto sa suod niining higala nga si kanhi Presidente Gloria Macapagal-Arroyo.

Wa na ikahibulong ni Davide ang pagsaway kay gani ang senador nagtinguha usab nga ipa-impeach ang kanhi chief justice niadtong 2003.

“Way laing interest si Papa atol sa iyang pagpangutangdanan, but interest sa public,” tipik sa pamahayag ni Jun-Jun.

Gibutyag sa kanhi konsehal nga atol sa pagretiro sa iyang amahan niduso kini og listahan sa Kongreso agi’g tubag sa mga isyu sa pipila ka mga magbabalaod sa giingong misuse sa SC’s Judiciary Development Funds (JDF). Lakip nga gikuwestiyon ni Estrada ang giingong nepotism sa kanhi chief justice. (FVQ)