ANTI-CRIMINALITY task force ang gihulma sa Probinsya batok sa kriminalidad. Ang task force gilangkoban sa kapulisan, National Bureau of Investigation (NBI), Criminal Investigation and Detection Group (CIDG), Philippine Drug Enforcement Agency (PDEA) ug Regional State Prosecutor.

Updates on President Benigno Aquino III's presidency

Ang pag-umol sa task force namugna tungod sa sunod-sunod nga MGA krimen sa probinsya ug silingan nga mga siyudad.

Si Gobernador Gwen Garcia nakigtagbo sa kadagkuan sa kapulisan, NBI, PDEA ug Procecutors Office sa milabayng hapon sa iyang buhatan human maalarma ang gobernador sa sunodsunod nga mga krimen.

Ang task force nga tukoron susama sa Anti-Insurgency Taskforce nga gitukod ni kanhi gobernador Pablo Garcia, ang amahan sa gobernador.

Ang task force maoy moimbestigar ug mosulbad sa usa ka kremin nga mahitabo sa probinsya.

Ang TF mohimo usab og rekomendasyon kon si kinsa ang mga saksi nga angay nga ipaubos sa witness protection program.

Morekomendar usab nga mohatag ug ganti alang niadtong mga tawo nga makatabang sa dali nga kasulbaran sa usa ka kremin. Ang Kapitolyo andam mogahin og salapi alang sa operasyon sa task force. (JFT)