GIKATAKDA nga karong unang adlaw sa Septiyembre ipatuman na ang wage adjustment sa mga mamumuo sa tanang kompaniya o establisemento sa Central Visayas.

Sa sayo pa, nauyonan sa Regional Tripartite Wages and Productivity Board (RTWPB)7 ang paghatag og dugang P18 nga usbaw sa suholan sa mga mamumuo sa rehiyon.

Updates on President Benigno Aquino III's presidency

Kini human usab nga gi-publish sa RTWPB ang Wage Order no. 15 sa pamantalaang Sun.Star Cebu niadtong miaging adlaw.

Gipahinumduman sa chairman sa RTWPB ingon man director sa Department of Labor and Employment Elias Cayanong nga way gihatagan og exemption sa mga establisemento nga di sila makatuman sa maong kamanduan.

“No exemption from compliance shall be allowed,” tipik sa natala sa Section 9 sa Wage Order no. 15. Matod pa ni Cayanong sa dihang nahinabi sa dyLA nga makiangayon na ang nauyonan nga dugang P18 sa minimum alang sa mga employer ingon man sa mga mamumuo. (FVQ/Jose Lewis Gachalian-USJR Intern)