DAKPUNON na usab ang anak ni Mayor Socrates Fernandez nga si Joavan human si Municipal Trial Court in Cities (MTCC) Judge Mario Manayon niaprobar sa pagpagawas og bench warrant.

Napakyas si Joavan sa pagtambong sa pre-trial hearing kagahapong adlawa sa sala ni Judge Manayon sa kasong grave threats nga gipasaka ni Vincent Castrodes batok sa sinagop sa mayor.

Updates on President Benigno Aquino III's presidency

Si Assistant City Prosecutor Floralil Lucero-Albert niduso og motion sa pagpadakop kang Joavan tungod kay wa motambong sa pre-trial hearing.

Giapropbahan ni Judge Manayon ang motion ni Albert.

Si Castrodes nahimuot sa desisyon ni Judge Manayon nga mogapagawas og bench warrant batok kang Joavan.

Si Castrodes nireklamo batok ni Joavan nga niadtong Hunyo 5 gitionan siya og armas dihang nagka engkwentro sila sa usa ka aksidente sa traffic.

Sa miaging buwan gipaubos sa mediation ang duha ka mga habig apan hugtanon nga namalibad si Castrodes ug nitataw nga ipadayon niya ang iyang kaso sumala sa iyang gisaad dihang bag-o lang kini nahitabo.

Nahibulong si Castrodes nga wa motunga si Joavan sa pre-trial hearing kagahapon lakip na ang iyang abugado nga si George Bragat. (VLM)