GATUSAN ka mga tawo ang nangaapektuhan sa pag-igo sa mga alimpulos sa duha ka mga lungsod sa lalawigan sa Sugbo ingon man sa flashflood atol sa pagbunok sa uwan sa miaging hapon ug kagahapon sa kaadlawon.

Mokabat sa 19 ka mga balay ang nangaguba sa pagkaigo sa alimpulos sa Bantayan samtang 15 sab ka mga balay ang nangadaot sa lungsod sa Argao tungod sa samang kalamidad.

Updates on President Benigno Aquino III's presidency

Tulo ka mga barangay sa Santander nangadaot tungod sa flashfloods.

Nangaigo sa lungsod sa Santander ang Brgy. Pasil, Looc ug Liloan, sagad mga coastal barangay.

Hangin ug tubig ang nimugna og kadaot sa ilang mga balay ug pipila ka mga umahan.

Si Supt. Erson Digal, director sa kapulisan sa lalawigan sa Sugbo, kinsa niduaw sa pipila ka mga apektadong dapit, nagkanayon nga wa hinuoy mga tawo nga nakalas sa flash- floods gawas lang sa mga kabalayan sa tulo ka mga barangay nga gibahaan samtang ang uban nangaigo sa dagkong bawod.

Hinuon ang kapulisan, mga opisyal sa barangay ug lungsod ingon man mga residenti nagtinabangay sa paghikling sa ilang tagsa-tagsa ka pamilya ug mga kabtangan ngadto sa mas luwas nga mga lugar.

Didto sa Sitio Mancabayao, Brgy. Lipayran, lungsod sa Bantayan, 19 ka mga balay ang nangaguba human gikuso-kuso sa kusog alimpos nga dunay gidalang tubig sa uwan.

Usa ka tawo ang naangol human maigo usab sa mga butang mugna sa alimpulos sa

miaging hapon sa mao nga lungsod.

Mga local nga opisyal sa lungsod niabag na sa mga tawo sa paghatag og mga pagkaon nga gisuporta sa apiktadong mga residente nga nangaukay ug nangabalaka kaayo.

Nagtuo ang mga residente nga dagkong buhawi ang niigo sa bukid sa nahisgutang lugar hinungdan nga kalit lang nikusog ang baha ug pagdahili sa yuta.

Pagka-alas 2:00 sa kaadlawon kagahapong adlawa, 15 ka mga balay ang nangaguba human maigo sa naghaguros nga alimpos ang Sitio Baybayon, Brgy. Talaga lungsud sa Argao.

Usa ka ginang ang naangol human siya maigo sa nanglupad nga mga dapat sa iyang balay.

Si SPO1 Edwin Miranda, sa Argao Police Station nga nahinab isa dySS Super Radyo, nagkanayon nga nangawagtang ang mga atop sa balay sa nahisgutang lugar tungod sa ka kusog sa alimpos.

Ang mga atop sa balay gipang-ibot sa kusog nga hangin ug didto na gilabay sa dagat.

Dunay usa ka tawo nga nadala sa pagkaguba sa iyang balay apan dali kining naluwas sa mga silingan.

Nalakip sa pagkaguba ang balay sa brgy. kapitan sa nahisgutang lugar.

Usa ka trak ang gipadpad sa hangin apan didto kini mohagsa kilid sa balay.

Dunay punoan sa acacia, ingon man mahogany nangabali usab.

Lakip nga nangahapay ang mga pananom nga mais human maigo sa hangin ug kusog nga uwan.

Hinuon daling giabagan ang mga biktima sa local nga kagamhanan sa lungsod labina sa nag-unang panginahanglan. (Guam P. Logroño)