USA ka tawo nga nagsinamok sa kalingawan nga Hudyaka Dabaw didto sa Bolton Street niadtong Miyerkules, gidemanda sa kapulisan og kasong alarm scandal ug direct assault didto sa City Prosecutor's Office (CPO).

Gidemanda mao si Eric Laurente, 21, ulitawo, out-of-school youth ug nagpuyo sa Metroville, Barangay Maa, siyudad sa Davao.

Updates on President Benigno Aquino III's presidency

Si Laurente gisikop sa kapulisan sa alas 11:45 sa gabii himan siya nanghasi sa mga tawo nga nagtan-aw og konsiyerto sa Hudyaka Dabaw.

Dihang giimbestigahan ang suspetsado sud sa presinto sa San Pedro Police Station, nagmaoy ug giatake ang pulis dungan ang paghagit nga makigsinumbagay.

Ang kaso gipasaka sa kapulisan pinaagi sa summary inquest procedure ug nakadoket sa IS # XI-02-INQ-10-00803.

Sa laing bahin, nasamok ang usa ka konsiyerto nga gihimo niadtong Huwebes sa gabii didto sa Damosa Gateway.

Mga batan-on nagkarambola human nagkainitay samtang naglukso-lukso ug nagsayaw tungod sa kalipay nga gikanta sa Cueshe Band.

Makadaghan nga hugna nga nagginukdanay ang mga batan-on mao anga gipanggukod sila sa mga security guards ug sakop sa Sasa Police Station.

Mga dinakpan gipagawas sa daghan og tawo ug gipasakay sa mobile patrol aron imbestigahan sa presinto.

Si Davao City Police Office (DCPO) director Rene Aspera nagbutyag nga dili gayud malikayan ang mga kaguliyang sa samang mga kalingawan mao nga siya nagmando nga kapkapan gayud ang mga tawo.

"I already ordered them (policemen) to conduct body search to all expectators," ni Aspera sa Superbalita.

Karong adlawa, doblehon sa kapulisan ang ilang kaigmat sa pagbantay sa katawhan aron masikop ang mga tawo nga magsinamok sa mga kalingawan sa Kadayawan sa Dabaw. (AD)