USA ka balay sa dakbayan sa Lapu-Lapu gituohang gituyo sa pagsunog ug dunay pagduda nga kini may kalabotan gihapon sa pagbinaslanay sa away sa duha ka mga pamilya.

Ang tag-iya sa balay naigo na human ang ilang tindahan ug laing balay gisunog sa miaging buwan tungod sa giingong pagpanimawos sa mga kabanay sa usa ka lalake nga giingong gipatay sa duha ka mga magsuon.

Updates on President Benigno Aquino III's presidency

Alas 10:04 sa buntag ang Lapu-Lapu City Fire Department nakadawat og report nga usa ka balay ang gikaon sa kayo sa may sityo Toril, Brgy. Canjulao.

Sa imbestigasyon, ang sunog nagsugod alas 9:10 sa gabii diin ang naigo mao ang balay Pedro Pebida Sr. nga gibiyaan na. Ang Lapu-Lapu Fire Department nibanabana nga mokabat sa P80,000 ang gibiling danyos.

Si Ammie Lucero, anak sa tag-iya, nagtuo nga gituyo sa pagsunog ang ilang balay ug kini sumpay pa sa nahitabong patay sa ilang dapit.

Kahinumdoman nga usa ka Paul Dico gipusil patay samtang usa usab ka Rapunzel  Dungog gipatay pinaagi sa pagdakdak og bato sa ulo sa miaging buwan.

Ang mga suspek mao sila si Pedro Pebida Jr., Pedro Pebida III, ug Patricio Pebida kinsa pulos na nasikop sa kapulisan. (DRT)