GIPANGHIMAKAK sa ahente sa Philippine Drugs Enforcement Agency (PDEA-7) ug trabahante sa National Bureau Investigation (NBI-7) ang pasangil sa usa ka tinun-an sa Criminology sa University of Cebu (uc) nga ilang gitabangag kulata sa miaging semana.
Kini maoy gipadayag nila ni Intelligence Officer (IO3) Mark Maramba ug Dennis Chiong, administrative clerk sa NBI-7 subay sa reklamo ni Edgardo Martinez, 20, 2nd year college sa kursong Criminology sa UC.
Si Maramba niingon nga puwerte nang isuga ni Martinez niadtong higayuna ug naglisod gani sa pagpugong ang mga intern di makapugong niini hinungdan nga niadto siya aron pakalmahon apan kalit lang siyang gisukmag sa walang dughan.
Hinungdan nga siya ug si Chiong ingon man ang ubang mga intern nagtinabangay sa paglayog aron pagpakalma kang Martine, sanglit pwerting kusgana.
Nagduda sila nga high kini sa drugas atol sa hitabo.
Sila si Maramba ug Chiong ningpasabot nga nahimo kadto nila di isip sakop sa PDEA-7 ingon man sa NBI-7 kon di isip mga commandant sa tunghaan diin sila mga instructor sa Criminology.
Tungod sa gihimo ni Martinez ilang gipasakaag direct assault in person of authority.
Nagtuo si Marmba nga gihimo lang ni Martinez ang pasangil aron makabawos kanila human mapriso gumikan sa pagpabadlong.
Andam hinuon sila si Maramba ug Chiong nga moatubang sa kaso kon pasakaan sila og reklamo sa Ombudsman ug Commission on Human Rights (CHR).
Dugang niya nga si Martinez, daan nang nibahad nga kon badlungon siya mobahad kini nga magbantay lang sila sanglit duna silay grupo.
Gani di lang silang mga instructor ang nakadawat niining pagpanghulga, lakip na ang ubang mga tinun-an.
Una niini si Martinez, mipasangil ngadto nila ni Maramba, Chiong ug mga intern nga ningyatak-yatak kaniya ug nisukmag kaniya samtang siya gibinaklid tungod lang sa areyos sa iyang dunggan ug wa paghatag sa intern sa iyang identification (ID) card.
Si Adrian Avaiño, director sa PDEA-7, niingon nga ilang ipaimbestigar ang gihmo ni Maramba diha sa ilang internal affairs service sanglit di sila mo-tolerate sa samang binuhatan sa ilang mga sakop. (Guam P. Logroño)