USA ka pusil nga way lisensiya gisurender sa usa ka kapitan sa Barangay Sawangan, lungsod sa Mawab, Comval Province, ngadto sa kapulisan niadtong Huwebes sa hapon.

Sa report gikan sa Comval Province Police Provincial Office, nasayran nga pasado ala 1:30 sa hapon boluntaryong gisurender ni Kapitan Manulito Cuasito sa maong barangay ang usa ka yunit nga kalibre homemade .38 revolver.

Updates on President Benigno Aquino III's presidency

Ang nahisgutang pusil, matud pa, gihuptan sa kapitan apan way igong papeles sa paghupot niya niini.

Wa matud pay serial number ang nahisgutang pusil ug gituohang loose fire arms.

Gihimo sa kapitan ang pagsurender sa nahisgutang armas luyo sa kampanya sa mga otoridad labot loose firearms kun operation boga.

Ang nahisgutang pusil gikostudiya na karon sa buhatan sa Mawab Municipal Police Station alang sa tukmang disposasyon.

Padayong nanawagan ang mga otoridad ngadto sa tanang ilegal nga naghupot og armas nga isurender ngadto sa mga otoridad ang ilang mga armas aron dili sila mapasakaan og kaso. (Marvin Pineda)