SINGKWENTA anyos nga ginang gisuwayan og patay sa batan-on nga iyang gikabikil didto sa Barangay New Clarin, lungsod sa Bansalan, Davao del Sur.
Si Senior Police Officer 2 Reynaldo Limjap, imbestigador sa Bansalan Police, nag-ila sa biktima nga mao si Erlinda Sabunod, minyo ug nagpuyo sa susamang dapit.
Ang suspek giila nga mao ang 19 anyos nga ulitawong si Jibsan Fernandez, laborer ug lumolupyo sa mao gihapong lugar.
Subay sa taho ni Limjap nga gikalalis ni Sabunod, banda alas 8 sa gabii, Biyernes, ang suspek, kinsa daling nikuha og mahait nga hinagiban.
Giduslak sa suspek ang ginang sa liog nga bahin sa gidala niining kutsilyo.
Gidali pagtabang ang biktima padung sa Davao del Sur Provincial Hospital (DDSPH) kinsa anaa pa sa talandugong kahimtang.
Nisuway unta pagsibat ang suspek apan naabtan sa mga barangay opisyal nga nigukod niadtong gabhiona. Ug gitunol ngadto sa kapulisan aron mapasaka ang tukmang kaso batok sa batan-on. (Dondon Dinoy)