GIBASURA ni Top Rank boss Bob Arum ang sugyot ni Oscar De La Hoya, tag-iya sa Golden Boy Promotions, nga ihulip si Juan Manuel Marquez kang Antonio Margarito isip kontra ni pound-for-pound champion Manny Pacquiao karong Nobiyembre 13.
Matod ni Arum nga kon gusto ni Marquez nga makaaway pagbalik kang Pacquiao sa ikatulong higayon, hayan kinahanglan una niining makigharong og usa ka lehitimong welterweight nga boksidor.
Mitambag si Arum kang Marquez nga kontrahon una bisan asa nila ni Andre Berto o Joshua Clottey unya kon modaog siya, hayan aduna na kini katungod nga makig-away pagbalik kang Pacquiao.
“Let him fight Andre Berto, who is looking for a fight. Let him fight Joshua Clottey, who I promote and who I can get for him to fight. Let him fight a legitimate welterweight. Once he fights a legitimate welterweight, and succeeds, then, don’t you think that we would love to put him in against Manny Pacquiao?” matod ni Arum sa interbyu sa www.fanhouse.com.
Sa laing interbyu, si American coach Freddie Roach interesado gyud kang Marquez ksay tinguha niining patak-umon ang baba niini.
Sa duha ka mga away nila ni Marquez ug Pacquiao, nitagawtaw si Marquez nga siya gyud unta ang angayang modaog sa maong mga away.
Niresulta sa kontrobersyal nga panagtabla ang premirong away unya midaog si Pacquiao sa ikaduha pinaagi sa sikit kaayo nga split decision.