City Hall nay mokobra sa tseke sa Philhealth

SUGOD ning buwana, mga kawani na sa Cebu City Treasurer’s Office (CTO) ang personal nang mokolekta sa tanang Philhealth checks nga gibayad alang sa Cebu City Medical Center (CCMC) aron malikayan ang pagkawagtang sa mga tseke.

Si City Treasurer Ofelia Oliva ni-request sa Philippine Health Insurance Inc. (Philhealth) nga maghimo sa tanang mga tseke nga adto na sa ibayad sa Cebu City Government, inay sa CCMC.

Apan kay ang Philhealth nisud man og memorandum of agreement tali sa Department of Interior and Local Government (DILG), nga nagkanayon nga ang payee sa tanang mga tseke mao ang mga ospital sa nagkadaiyang local government units (LGUs), si Oliva niingon nga ang iyang request di dayon maaprobahan.

“I made the request for purposes of check and balance but since there is that agreement, Philhealth Cebu will have to send the request to their Manila office for decision by the higher officials of the agency. In the meantime, they allowed me to send our own personnel to their office to collect the checks,” siya nagkanayon.

Sa pagkakaron, ang payee sa tanang mga tseke sa mga refund sa hospital bills sa mga pasyente mao ang CCMC, samtang ang payee sa professional fees sa mga doctor mao ang chief of hospital. (SUN.STAR CEBU)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph