ANG kapulisan sa Davao del Norte nangandam na sa paghulma sa seguridad alang sa umaabot nga barangay ug Sangguniang Kabataan election karon umaabot nga bulan sa Oktubre.

Sumala pa ni Police Senior Superintendent Jose Pante, director sa Davao del Norte Police Provincial Office, nga madayon man ug dili ang eleksyon karon Oktubre sila nangandam.

Updates on President Benigno Aquino III's presidency

"Well, ang ating office always ready na sa election this October, whether it will be postponed or push through," sulti ni Pante sa paghinabi sa SuperBalita.

Matud ni Panti nga ang tanang hepe sa kapulisan sa tibook lalawigan sa Davao del Norte nakig-alayon sa mga Barangay Kapitan aron makuha ang suporta alang sa gitinguhang kalinaw sa eleksyon.

Gisulti sab ni Pante nga magpadayon ang ilang hugot nga kampanya labot sa mga way papeles nga mga armas aron dili mahitabo ang madugong piliay.

Gani giduso nila ang subling pagpatuman sa Comelec gun ban aron kadtong otorisado lamang nga makagunit og pusil ang mahimong magdala og armas.

Hinuon, masaligun ang kapulisan nga way mga sakop sa rebelding New People's Army ang magsinamok sa elelsiyon sa mga bukirong dapit sa Davao del Norte.

Kaabag sab sa kapulisan ang kasundaluhan nga nakabase sa Davao del Norte sa pagpatuman sa kahusay ug kalinaw. (Marvin Pineda