DEAR Papa Joe,
Good day. Tawga lang ko sa name nga Reymark. About ni sa akong wife karon, Papa Joe.Nagkita mi sa Bulacao Community Night High School. Sa uyab pa me naa tanan pagpangga niya. Almost everyday moadto siya sa amo para magdungan me og tungha sa klase.
Magdungan og uli. Niabot ang time nga nag sex mi, nabuntis gyud nako siya, Papa Joe.
Kadto nga time naglisod gyud ko og dawat kay daghan pa kaayo ko og pangandoy sa akong kinabuhi ug wala na lang gyud ko.
Way laing choice kun di atubangon na lang ang iyang parents.
Diha diha dayon nadawat ko nila kay wala na man silay mahimo.
After one week, gipapuyo dayon ko sa ilaha.Nagkadugay, Papa Joe, ba nigawas na man ang iyang tinuod nga batasan. Way sama ka bastos mamalikas. Gusto niya nga iya matuman tanan.
Basta saputon siya, Papa Joe, amungon ang bata. Asta among anak 10 months pa gani maayo na kaayo molitok ug atay. Gamay nga sayop dak-on.
Labaw sa tanan sige pa gyud panghulga nga di gyud kuno siya mawili kon magbuwag mi.
Wala man unta nako siya kulanga sa suporta. Makakaon man ta mi og sakto. Halos kada adlaw mag-away mi, Papa Joe, gumikan sa iyang batasan.Sa tinud-anay, Papa Joe, hapit na gyud ko mapul-i sa iyang style. Unsa man gyud ang problema ani niya, Papa Joe?
Unsay angay nakong buhaton? Please tambagi ko, Papa Joe.
REYMARK
Bay Reymark,
Maayong adlaw kanimo, Bay. Ang ako lang ikasulti nga mao nay resulta sa pagbuhat og di maayo sa relasyon nga bata pa.
Kahibawo ko wala magkulang ang inyong mga ginikanan sa pahimangno ninyo. Di man sad ta makaingon nga totally ngil-ad ang babaye kay wala man sad ka maka mention nga ingon ana siya sa pagkauyab ninyo bisan niingon ka nga nigawas iyang batasan.
Mailhan gyud na nimo nga naay batasan ang tawo pero magpakabuta lang kay cool lagi uyab uyab.
Usa sad sa nakapa trigger niya mao ang realization. Sama nimo naka realize na siya nga sayop ang gisudlan. Sama niya na-deprived sad sa iyang pagkadaga. Nga dili diay siya andam pag-amuma og bata mao nga saputon na. Unya masuya pud sa kanhi mga barkada or sa pahimangno sa ginikanan o pagmahay ba labi na nga nangipon ra mo. Pag-estorya sa mo bay unya ibutang sa sentro si God, labi na nga sa tan aw nako wala pa mo makasal, knowing high school pa mo unya nabuntis.
Ana gyud na, Bay, do not resort sa buwag dayon. Naa pa nay pag-asa apan kon di na gyud then support your child na lang kay di man sad na madala nimo. Okay? Ug hinaot pa nga makuhaan kini og leksyon sa uban pang mga batan-on nga di magpadala sa kaiinit sa relasyon kay kon ang manok isabong na sa sunoy pa, kuwang sa kasinatian masamaran ni mokakak gyud na. Daghang salamat sa imong tampo.
PAPA JOE