NAHIULI na ang usa ka Overseas Filipino Worker (OFW) nga namatay sa aksidente sa dalan didto sa Dubai.
Sa pakighinabi, gitug-an sa inahan sa biktima nga si Norma Galvez nga namatay ang iyang anak sa miaging Hulyo 1, 2010.
Ang biktima unom na ka tuig nga tua sa Dubai ug taga Spring, Alabel, Sarangani Province.
Gibutyag sa inahan nga sakit sa ilang bahin ang nahitabo apan walay mahimo gumikan kay maoy kapalaran ni Ailyn.
Gikataho nga di lamang si Ailyn ang namatay sa maong disgrasya apan lakip na ang amo niini ug lain pang duha nga niadtong tungura padulong unta mangaligo sa dagat.
Nanawagan ang ginikanan sa biktima kang Pangulong Benigno Aquino III nga unta sila matabangan aron makuha ang mga benepisyo sa iyang anak ug mahatag ngadto sa ilang pamilya. (Edgardo Fuerzas)