ANG Philippine Drug Enforcement Agency (PDEA) Davao del Norte Provincial Office nagsusi karon sa mga dapit diin nasiplatan ang marijuana plantation.
Kini maoy gipahibalo ni PDEA Provincial Officer Clodito Cañada kagahapon sa Superbalita.
Si Cañada nagbutyag nga duna silay nadawat nga mga report nga dunay pipila ka mga lugar sa lalawigan sa Davao del Norte nga nahimong marijuana plantation.
"May natanggap kaming reports na nagsasabing may ilang barangays sa boundary ng Davao del Norte at Davao City nga tinaniman ng marijuana," ni Cañada.
Gawas sa mga marijuana plantations, suma ni Ca¤ada, ila sab gipanid-an ang pipila ka mga barangay sa siyudad sa Tagum nga giingon nga naghitak ang druga.
"Tinutukan din namin ang ilang barangay ng Tagum City para mahuli ang drug pushers," pahayag ni Cañada.
Si PDEA director Roybel Sanchez nagbutyag sab sa Superbalita nga nagpasalamat sila sa mga lokal nga kagamhanan sa maong lalawigan tungod kay aktibo sila nga mitabang sa kampanya batok sa ilegal nga druga.
"Very active sila sa aming demand reduction program lalung-lalo na ang Panabo City Anti-drug Abuse Council led by Retired Colonel Agosto Quilisadio kaya nagpapasalamat kami sa kanila," ni Sanchez kinsa midugang nga, "napakataas ng regard nila sa amin kaya naging easier ang among coordination."
Ang maong opisyal nagsulti nga ilang paningkamotan nga mahimong drug free ang lalawigan sa Davao del Norte human na-inagurahan ang ilang buhatan niadtong Biyernes didto sa siyudad sa Panabo. (AD)