DEAR Noy Kulas,

Maayong adlaw nimo diha, Noy, ug sa imong avid readers. I hope ang tanan anaa sa maayong panglawas. Tigbasa gyud ko aning imong column niadtong naa pako diha sa Cebu. First time pa ni nakong suwat.

Ania na ko nagpuyo sa Europe. Mag 7 years na ug wa pa gyud ko nakauli diha sukad. Gikuha ko sa akong mama sa nag-edad pa lang ko og 17. By the way,tawga lang ko sa ngalang Ms. LG, 24 na.

Mangayo unta ko og tambag nimo kabahin aning mga tawo diha nga hangtod karon ako pa gihapong gihandom.

Updates on President Benigno Aquino III's presidency

Sukad ko niabot diri sige gyud nako sila og gihuna-huna. Kini sila akong mga higala kaniadto sa high school pa. Sige gyud nako pangutan-on akong mga igsuon kon manawag or mag-chat mi, kon unsa nay mga balita bahin nila. Karon laging high-tech na ang panahon, nakita nako ang uban nila pinaagi aning mga popular nga website. Ako gyud dayon silang i-add aron mangumusta. Ug sa dihang na-add na ko nila, magkabuang gyud dayon ko og pangutana nila kon asa na sila ug naunsa na sila.

Pero maora og na-change naman sila, Noy. Tubagon na lang ta og “Akong pasalubong inig uli nimo ha!” imbes nga mangumusta diri.

Ang uban,Noy, dili gani motubag sa akong mga message nila.

Kahibaw man ko,Noy, ba nga change is the only permanent thing in this world. Pero lahi gyud ang ilang pagkausab. Ang kadtong di nako suod sa una, mas naa na hinuoy contact nako karon.

Ako sab nga gihuna-huna nga basin og busy ra sila sa ilang kinabuhi diha maong walay time maka-reply nako. Pero adtong birthday nako, wa gyud sila mo-greet. Bisan nag-online pa gani sila atong adlawa. So, karon, Noy, ako na lang silang gi-delete sa akong friendslist kay maguol lang ko maghuna-huna. Nalipay gyud unta ko nga naa nay contact nila, pero wa naman ko kasabot nila. Karon pa nga nanginahanglan gyud ko og mga tinuod nga higala. Naa may daghan Pinay diri sa among dapit, pero wa man sab mga ayo. Mag-iyahay ra man og panglibak sa laing mga tawo.

Maong likay na lang ko kay di ko gusto maapil sa ilang mga bisyo diri.

Naa sab koy usa ka suod nga amiga (taga laing nasod siya diri sa Europe ug sama sab nako gikuha sab sya sa iyang mama sa edad nga 17), usahay ra sab mi maka-bonding kay busy sab lagi siya sa iyang studies ug work. Unya sige sab og travel kay part sa iyang eskwela.Naa man koy masultihan sa akong mga problema, Noy, kay naa man koy uyab 4 years na kapin. Pero lahi man gyud ning parehas nato og kultura ug sinultihan. Maong usahay ma-feel gyud nako nga lonely ko. Naa miy medyo nasuod nga magtiayon nga sama niya og nasyonalidad pero lahi ra man gyud para nako.

Usahay ra ko makaapil og mga okasyon diri without my partner kay kon asa ko, pakuyogon man nako sya og vice versa sab niya.

Maong wa gyud koy nasuod nga Pinay. Maong sige gyud nako mahuna-hunaan ang mga higala nako kaniadto diha. Pero mao lagi, nangausab na. Maong wa na hinuon koy gana nga mouli pa diha.

Plano baya nako mouli karong 2012 aron makakuyog ko sa akong parents unyag uli sab nila. Pero makawala man sa gana nga wa nay mga higalang nagpaabot diha. (sumpayan)