SA MGA nilabay nga mga semana, natay-og na usab kita sa mga nagkadaiyang bahid sa atong seguridad sama sa bomba nga mibuto sa Zamboang Airport, sa mga patay nga gakahitabo sa atong dakbayan ug sa mga lugos ug tulis. Makapangutana kita kung unsa ba gayud kini nga mga panghitabkabahin ba kini sa politika, kapobrehon o kabuang sa tawo?

Kung adunay mga panghitabo nga dagko sama sa bomba, ayha pa dayon mataranta ang kapolisan sa seguridad niini apan kung mahilom na kini mawala na usab ilang paghugot sa maong seguridad. Balik na usab sila sa relax nga mood dayon musiaw na usab balik. Apan dili nato matagna ang panahon kay dili man usab kini buhaton sa mga kriminal sa paagi nga sunod-sunod. Abtik usab sila sa ilang mga lihok.

Updates on President Benigno Aquino III's presidency

Ang nahitabo sa Zamboanga, ang uban duda nga politika kini kay timing gyud nga anaa usab ang Politiko sa Tawi-Tawi niadtong tungura. Apan sila ra ang makatubag niana tungod kay sila man ang daghan kontra hinungdan nga daghan madamay nga tawo.

Sa atong dakbayan usab, lain ang istilo tungod kay vigilantes man ang motiwas sa mga latagaw og utok nga tawo. Busa kini sila kinahanglan gayud sa katilingban tungod kay ang dili kaya sa kapolisan ila mang mabuhat. Sunod-sunod raba atong krimen sa dakbayan, ilabina kadtong kidnapping sa mga bata (maayo gani naka ikyas sila), lugos sa mga batang babae ug tulis. Misiaw kini sila tungod kay relax ang kapolisan busa kinahanglan ang COCPO molihok og insakto ilabina karong mga adlawa nga busy ang tanan para sa kasaulugan sa kapistahan ni Sr. San Agustin.

Kita usab nga katawhan magbantay ug motabang sa atong palibot aron ang kadtong mga lihok ug nawong nga madudahan masundan aron wala'y dugang nga krimen mahitabo. Nalipay nalamang kita kay medyo atong katawhan karon maabtik sa pagsubong sa kapolisan sa mga gagmayng nga butang nga madudahan nila ug mismo sila nga kung makita nila ang kapolisan nga gatanga usab ila kining masultihan.

Mangamuyo lamang kita nga plastar ang tanan ilabina sa umaabot nga kapistahan tungod kay para raman kini kanato. Atong hinauton nga ang tanan nga kasaulogan sa kapistahana malampuson ug dili magkasamok. Midayog ako sa tanang Kagay-anon sa pagsaulog sa kapistahan ug padayon ang kalamboan sa dakbayan pinaagi sa pagsiguro sa atong seguridad. Maayong Adlaw ug Daghang Salamat!