PULOS pagsaway ang madungog gikan sa katawhan sa nahitabo nga hostage taking niadtong Lunes didto sa Quirino Grandstand sa kaulohan.

Ning siyudad sa Cagayan de Oro, tibuok katawhan ang misaksi pinaagi sa pagtan-aw sa live coverage sa telebisyon ug tanan mitutok labina nga ang eksena susama sa pelikula.

Updates on President Benigno Aquino III's presidency

Pipila sa mga viewers nibutyag sa Sun.Star SuperBalita nga "banga" kon "lousy" ang gihimo nga negosasyon sa mga otoridad.

Adunay miingon nga dili planado ang pagsulong sa bus diin mireusulta sa paglasong sa hostage taker nga mao si Police Senior Inspector Rolando Mendoza kinsa armado ug M16 rifle nga maoy gigamit pagrakrak niini sulod sa bus hinungdan sa kamatayon sa walo ka mga turista.

"Wala giplano, kulang sa mga himan ang mga otoridad" ni Jojo Saavedra nga nainterbyu sa Sun.Star SuperBalita.

Samtang ang kapolisan ning siyudad nidumili paghatag sa ilang reaksiyon kabahin sa maong hitabo.

"Lisod kayo mohatag ta og reaksiyon labina padayon pa ang investigation sa kaulohan," matud ni Police Inspector Lemuel Gonda.

Apan pipila sa mga sakop sa prensa nag-iyahay sa paghatag og komentaryo pinaagi sa ilang personal nga account sa Facebook.

"This is not the only hostage situations that miserably failed. There were lots. And our police have never learned their lesson," ang komentaryo ni Art Bonjoc kinsa presidente sa National Union of Journalist of the Philippines-Cagayan de Oro Chapter.

"It's difficult to assess since it was barely hours after it happened but whoever broke out the report that the cop's brother was supposedly arrested should be sanctioned. If not for that report, the cop would have continued to negotiate. But it was too late," matud ni Stephen Capillas kanhi editor-in-chief sa Sun.Star Cagayan de Oro.

Kahinumduman nga naukay ang tibouk nasod sa nahitabong hostage taking niadtong Lunes nga mokabat 11 ka oras nga mitapos sa kamatayon ni Inspector Mendoza ug pagkakalas sa kinabuhi sa walo ka mga turista.