PORMAL ng mipasaka og reklamo sa korte ang TV host nga si Willie Revillame kontra ABS-CBN kalabot sa pagkatangtang niya sa noontime show nga Wowowee.

Say pa nga halos P11.5 million ang gipangayo nga damyos ni Willie sa formal complaint nga iyang gisang-at sa Quezon City Regional Trial Court, Biyernes, August 20.

Updates on President Benigno Aquino III's presidency

Sumala pa nga si Judge Luisito Co sa Branch 84, ang mohupot sa kaso.

Pinaagi sa pormal nga reklamo, gihangyo ni Willie sa korte nga hatagan og "judicial confirmation" ang pagpawalay-bili sa iyang kontrata with ABS-CBN, nga matapos pa karong September 2011.

Gihimo kini ni Willie human sumala pa gitalikdan siya sa ABS-CBN dihang misaad ang network nga ibalik siya sa Wowowee last July 31, apan gihulipan hinuon kini og laing programa.

Sumala pa nga mismong sila ABS-CBN executives Charo Santos-Concio (President) ug Linggit Tan (SVP for entertainment TV) ang misulti labot sa maong katikaran.

Dugang sa kampo ni Willie may mga dokumento sab nga mopamatuod sa maong kasabutan.

Miyagyag sab og mga 'grounds' ang tv host nga sumala pa usa ka kalapasan sa Dos sa kontrata nga gilagdaan.

Apan ang network, nanghimakak niini.