DI GYUD ikalimod nga usa si Erich Gonzales sa mga sikat nga young stars sa iyang henerasyon.

Human midaug sa usa ka reality search, paspas sab nga nakahimo og pangalan sa showbiz industry ang dalaga.

Updates on President Benigno Aquino III's presidency

Apan dungan sa iyang kasikat, perme sab nga naggukod kaniya ang mga intriga.

Una ng gisaway si Erich sa iyang pagkataklesa nga wa mauyuni sa kadaghanan.

This time, gibirahan na sab ang dalaga tungod sa dali kaayo niya nga makapamalikas.

Sa Star Circle Quest pa lamang kaniadto migula na ang komento nga dali makasulti og "bad words" ang aktres, rason nga gitawag siya og maldita.

May nagsitsit pa nga tungod sa batasan ni Erich, may puruhan nga mosunod siya sa trono sa Kapuso actress Marian Rivera nga daghan sab kaayo og gikabangga.

Kapila ka beses na sab nga gidepensahan ni Erich ang kaugaligon apan say mga tsismosa, drama lamang niya ang pagbinuotan. May ganun!

Di na gyud ma-deny pa nga may ngalan na gyud ang batan-ong aktres sa industriya, apan samtang nagkataas ang iyang paglupad, left and right sab ang mga pagsaway kaniya.

Wish lamang sa mga nakapalibot kang Erich, nga pabilin siyang humble, bisan pa man og sikat na siya.

Mitodo ang pagsikat ni Erich human siya mibida sa seryeng Katorse, gisundan kini sa teleseryeng Tanging Yaman, this time, anaa sab siya sa Magkaribal.