WA GISUWERTE ang pambato sa Pilipinas sa Ms. Universe Pageant 2010, Ma. Venus Raj, nga mabitbit ang gikahinamang korona.

Gikoronahang Ms. Universe 2010 mao ang pambato sa Mexico, ang 22-anyos nga si Jimena Navarrrete.

Updates on President Benigno Aquino III's presidency

Si Jimena gipanganak sa Guadalajara, Mexico. Sa una pa lamang, hilig na gyud niya ang pag-apil og mga beauty pageants.

Nag-eskwela sab og nutrisyon ang bag-ong Ms. Universe.

Say pa nga usa na gyud sa mga "early favorite" si Ms. Mexico, tungod sa pagka-charming and pag-gwapa niini.

Ubang mananaug mao sila: first runner up ang 24 anyos from Jamaica nga si Yendi Phillipps, second runner-up sab si Jesinta Campbell from Australia, third runner-up ang 23-anyos nga si Anna Poslavska nga taga Ukraine, ug fourth runner-up ang Pinay nga si Venus.

Apan, bisan pa man og ingon niini, daghan gihapon ang nakadayeg sa confidence nga gipakita sa 22-anyos nga dalaga nga wa sab pa-ores sa ubang contestants sa Ms. Universe.

Mga Pinoy nakatutok gyud sa kompetisyon, hilabi na dihang gitawag ang Top 15.

Mas exciting kini, tungod ang pinaka-uwahing pwesto naadto kang Venus, uban ang lain pang 14 ka mga kandidata.

Carry sab kaayo ni Venus ang pag-project sa ilang swimwear diin gipakita gyud niya ang iyang sexy body, with 22 inches nga waistline.

Sa pikas bahin, nakuha sab sa representante sa Thailand nga si Fonthip Watcharatrakul ang Best in National Costume ug Miss Photogenic Award.

Gi-ores sab ni Ms. Australia Jesinta Campbell ang 82 ka mga candidates dihang siya ang napili nga Ms. Congeniality.

Mas nahimong kulba-hinam ang tanan atol sa question and answer portion, diin ang lima ka nahibiling candidates, mipalabtik sab sa ilang kahanas sa pagtubag sa mga pangutana.

Mibilib ang mga hurado sa tubag ni Ms. Mexico sa pangutaa, kun unsa ang iyang opinyon kalabot sa pag-monitor sa mga bata nga naggamit og internet.

"Well, I believe that Internet is an indispensable tool in this present time and we must be very careful and watch over what our children watch and see, our teenagers watch and see. And we must be sure to teach them the value that we learn as a family so that they may use the Internet properly," ni Ms. Mexico.

Samtang si Venus, gipangutana sab kun unsa ang pinakadakong sayop nga iyang nabuhat sa iyang kinabuhi, giunsa niya kini sa pagsakto.

"You know what, sir, in my 22 years of existence I can say that there's nothing major, major problem that I've done in my life because I'm very confident with my family, with the love that they are giving to me. So thank you so much that I'm here. Thank you, thank you so much!" say sa Pinay.

Ang Ms. Universe 2010 gihimo sa Mandalay Bay sa Las Vegas, USA.