ANG hepe sa Drainage Maintenance Unit (DMU) nagbutyag nga ang hinungdan nganong nakasinati og dakong pagbaha ang pipila ka mga dapit sa Bajada mao ang usa ka dakong mall nga gitukod sa dalang JP Laurel, siyudad sa Davao.
"Ginawa na namin lahat para ma-solve ang flooding sa Davao City. But lately we discovered na tinakpan ng malaking firm diyan sa Bajada ang ating drainage system kaya pinuntahan ko at inayos namin kasama ang mga tauhan ng DMU," ni DMU chief Retired Colonel Yusoph Jimlani sa SuperBalita.
Si Jimlani nagpahayag nga sukad niadtong miaging tuig, wa nakasinati og mga pagbaha ang maong lugar dihang wa pa tabuni ang kanal sa gitukod nga mall sa Bajada.
"Dati hindi naman talaga grabe ang problema diyan sa Bajada. Nalinis na naming lahat ang drainage diyan kaya nagulat kami nung malaman namin na malalim ang tubig last week kaya pinuntahan ko agad," pahayag ni Jimlani.
Ang maong opisyal nagbutyag nga ang siyudad makasinati gayud og mga pagbaha panahon sa ting-ulan ilabi nga taub ang tubig sa dagat.
"Medyo tataas ang tubig sa mga kalsada kung may ulan kasi tumaas din ang ating seashore at kung high tide mahirapan ang daloy ng tubig papunta sa dagat," pahayag ni Jimlani kinsa midugang nga ilang limpiyuhan og maayo ang mga baradong kanal sa siyudad.
Ang DMU maoy gitahasan nga mosulbad sa suliran sa pagbaha sa siyudad ni Mayor Sara Duterte.
Sa unang pakighinabi kang Duterte niadtong miaging semana, siya nagkanayon nga, "kung ilahang i-recommend nga kinanglan nato mag-demolish para malimpyuhan ang atong mga canal we will do it. We will do it according to law, kanang naa gyuy due process."
Sa termino pa sa iyang amahan nga si kanhi Mayor ug karon Bise Mayor Rodrigo Duterte, nag-atubang kini og kaso human gi-demolish ang Nograles Park nga gitukod ibabaw sa open canal diha sa Mini Forest, Quezon Boulevard.
Dihang na-demolish na, daghang basura ang nakuha lakip na nilabay nga refrigerator ang nakuha gikan sa kanal.
Unang gisaway ni kanhi House Speaker Prospero C. Nograles ang gihimo sa siyudad mao nga mipasaka siya og kaso ngadto sa Ombudsman.
Nakaginhawa ang siyudad dihang ang suspension order sa mga opisyal nga nalambigit sa pag-demolish sa maong parke ang gitangtang korte sa nakalabay nga tuig. (AD)