SI MAGUINDANAO Governor Esmael "Toto" Mangundadatu nagbutyag nga duna pay laing l0 ka mga tawo nga andam motestigo sa nahitabong masaker didto sa Maguindanao.

Kasagaran kanila mga sakop sa Special Civilian Volunteer Organization (SCVO) ni Datu Unsay Mayor Datu Andal Ampatuan Jr.

Updates on President Benigno Aquino III's presidency

Gitin-aw sa gobernador nga ang walo didto mismo sa lugar sa dihang nahitabo ang pagpamatay sa 57 ka tawo apil na ang 32 ka mga sakop sa media.

Nanghinaut si Ric Cachuela, tsirman sa Justice Now Movement (JNM), nga sa pagtumaw sa walo ka mga bag-ong testigo makab-ot na unta ang tinuod nga hustisya sa pamilya sa mga biktima.

Hangtud karon, dili pa sigurado si Cachuela kon kanus-a mahuman ang pagtaral sa kaso gumikan kay kuwartahan ang mga akusado.

Atua karon sa usa ka wa gitug-ang dapit didto sa Central Mindanao ang walo ka mga bag-ong testigo ug naghuwat na lang kon kanus-a sila moatubang sa korte.

Hangtud karon, nagpadayon ang pagpangita sa militar ug kapulisan sa mga tawo nga nalambigit sa masaker ug mga sakop sa Private Armed Group sa Maguindanao. (Edgardo Fuerzas)