WAY duda nga naghatag og dakong kauwawan sa imahen sa nasud ang hostage-taking drama niadtong Lunes didto sa Manila. Ang nakapasamot sa sitwasyon mao ang pagkamatay sa mga foreigner nga taga Hongkong.

Nabutang usab sa dakong pagduda  ang katakos sa mga awtoridad pagsulbad sa mga suliran nga dunay kinaiya sa nahitabo miaging adlaw. Kay kung ato sila tan-awon mataghigayon nga magpraktis sila isip pagpangandaman, makaingon man ta nga andam na sila. Pero dili kaha maayo lang sila sa praktis kung dunay camera o media nga magtan-aw? Sa aktwal nga hitabo, dili kaha katag pas atong mga ilong ang ilang mga lihok?

Updates on President Benigno Aquino III's presidencyDaghan kanato dili eksperto sa natad sa pagsulbad sa maong suliran, apan dunay mga pangutana ang publiko nga angayang matubag.  

Kung ang kinamahinungdanon nga butang nga himoon sa mga awtoridad mao ang pagpakalma sa hostage taker, ila ba kining gihimo? Pagpakalma ba ang ilang pagbinaboy sa igsuon ni Capt. Rolando Mendoza ? Nagtuo ba sila nga igo lang mopakpak si Mendoza dihang  gipaslak ang iyang igsoon sa sakyanan sa pulis? “Ginawa nilang baboy ang kapatid ko,” matud ni Mendoza. Tingali ang mga pulis nalimot nga mas sakit sa atong bahin kung ang atong minahal sa kinabuhi maoy pasakitan.

Ayaw hunahunaa nga akong gidasig ang paagi pagsulbad ug problema nga gigamit ni Mendoza. Ayaw laumi nga ako moingon nga maayong ihostage nato ang atong isigkatawo matag higayon dunay tay gusto nga mahitabo. Apan sa higayon nga moabot ang mga butang sama sa nahitabo niadtong Lunes, dili tingali mahimong tupngan nato ang kainit sa ulo sa ni-hostage, dili tingali maayo nga wa na lang tay kalainan niya. Mao kanay ubos kung panan-aw ug hinaot nga nasayop ko.

Tingali nagdalidali ang mga awtoridad. Apan ang honghong sa atong mga kaila nga mga maantigo sa mga sitwasyon nga ingon niini, dili maayong magdalidali. Kung kunuhay  hubog ang usa ka tawo nga nang-hostage, unsay dautan kung atong huwaton hangtod siya nahuwasan? Hilabi na kung wa pa siyay nahimo nga ‘di maayo’. Bisan ang bagyo molurang lang gihapon.      

Ayaw hunahunaa nga wa koy simpatiya niadtong mga pulis nga misunod lang sa matag order. Iisa nako ang akong mga pangutana ngadto sa mga naghupot ug dakong responsibilidad aron masulbad ang nahitabo. Daw madungog ko na ang bagolbol niadtong dunay sukwahi nga panan-aw, ug girespeto ko sila: “Angayan ra tong mamatay si Mendoza.  Angayan ra tong rapidohon kay iyang gibutang sa peligro ang kinabuhi sa ubang tawo nga inosente.”

Ang di madawat sa uban nga ang hostage taking dili ordinaryo nga hitabo, hinungdan nga dunay mga nag-specialize niini. Kung nagtoo ta nga masulbad ra ni sa mga bogoy nga way lingaw, aw, mao nay giingon nga “dakong trabahuon” kay mora ta niana ug nakig-estorysa sa pader. (birada_ruphil@yahoo.com)