DEAR Papa Joe,

Good day. Tawga lang ko sa ngan nga Annieca, 20 na ko and 3rd year college na sad. Ang akong problema about sa akong lovelife and sa akong self. classmate nako ang boyfriend sa akong amiga and wala sad ko magdahom nga magka-close mi gamay sa iyang boyfriend. Tawgon lang nato sa ngan nga Lenny ang BF sa akong amiga.

Sukad pa sa pag-ila namo ni Lenny, magsige na mi og away ug insultohanay sa room and gawas sa among school. Maora na lang sad og naanad ang among mga classmate namo, sa sige namog away. One time, sa subject namo nga physical science, nag-insultohanay na sad mi infront of our classmates and instructor. Maorag wala tingali makapugong ang among instructor, gisungog na mi nga nagka lover’s quarrel daw mi.

Maora ko og nauwaw mao nihilom na lang ko.

Sukad ato, sungugon nami sa among mga classmate and instructors kay nagsige na man gud mi og lalis niya.Tanan nakong opinion iya gyud supakon. Mangita siya og way nga masayop koWala gyud kahibawo ang akong amiga about ani kay dili man kaya nako nga motog-an niya.. Then one time, grabe na gyud ang among away ni Lenny. Wala na man ko makaagwanta sa gisulti niya, nga bisan ako na lang daw mahabilin nga girl sa earth di gyud daw siya manguyab nako.

Nalain ko ato mao to wala na ko motingog ug niya. Tayming sad nag-away sila sa akong amiga. Diri man magpatabang nako si Lenny kon mag-away sila sa akong amiga. Mao to, pagklase namo siya gyud ang unang nitagad nako. Nonsense kaayo iyang gipangutana pero nakatubag ko kay maikog man ko kon dili nako siya tubagon gud. Apan kon kami rang mga barkada namo, dili baya mi mag-away ay! Sweet kaayo siya then inday iyang tawag nako.

One time, birthday sa usa namo ka amigo then invited mi. Hapon na ko nakaadto kuyog sa usa sad namo ka amigo kay naa man koy work. Dili man unta ko moadto apan nangusog man siya nga pakuyugon ko. Pag-abot namo, ako na lang gud usa nga bisitang babaye didto kay puro naman mga lake nabilin. Sa barkada namo, duha ra mi nga babaye. Ako lang walay uyab kay nitagam na ko.

Didto nako nakahibaw, nga naa diay koy something na-feel for him kay hapit man ko makahilak kay nag-tuo man ko nahulog siya sa motor. Pwerti niyang katawa pagkahibaw niya nga hapit ko makahilak. (SUMPAYAN)