USA ka tinun-an nga taga-dakbayan sa Tagumug laing usa nga taga siyudad sa Iligan gipusil didto sa dakbayan sa Marawi niadtong Lunes, sumala sa Lanao del Sur Police Provincial Office.

Mga biktima nga gipangluthang giila sa pulis nga mao sila si Mark Anthony Tecson, 21, taga Tagum City, ug Ever Sosillo, 17, ug molupyo sa siyudad sa Iligan.

Post your reaction on the Manila hostage crisis

Mga biktima sakay sa dyip banda alas 4:00 sa hapon kay padung na sa pagpauli sa ilang boarding house sa dihang nahitabo ang insidente.

Matud ni Lanao del Sur Police Provincial Director SSupt. Cosanie Derogangan nga migamit sa 9mm pistol ang duha ka wala mailang suspetsado sa pagluthang sa mga biktima kinsa naigo sa ilang mga ulo ug dughan.

Dali sab nga misibat ang mga mamumuno sakay sa usa ka motorsiklo human nakapusil.

Gisapupo ang mga biktima sa mga pulis ug gidala sa Marawi General Hospital apan gideklara sila nga dead on arrival.

Sumala ni Derogangan nga una gipatay ang mga biktima gikan sila sa bay sa ilang klasmet.

Hangtud karon blangko pa ang otoridad sa motibo sa pagpatay sa mga biktima ug padayon pa silang naniid aron sa pag-ila sa mga suspetsado. (Edgardo Fuerzas)