NAG-ATUBANG og kasong kriminal ang tag-iya sa usa ka lingam massage parlor sa dakbayan sa Sugbo human masakpi atol sa ronda sa kapulisan niadtong Lunes sa gabii ang iyang duha ka mga attendant nga nagmasahe sa usa ka hubo nga lalake sa katre.

Ang usa naaktuhang nag-ugay sa kinatawo sa lalakeng customer samtang ang usa naghilot sa ulo niini.

Updates on President Benigno Aquino III's presidency

Si Honey Lou Mirafuentes-Yoo, 26, lumolupyo sa Peace Valley, Barangay Lahug, dakbayan sa Sugbo, girekomendar sa Cebu City Prosecutor’s Office nga mag-atubang sa kasong kalapasan sa Republic Act (RA) 9208 kun Trafficking in Persons tungod sa insidente niadtong gabii sa Agosto 23 sulod sa iyang lingam massage parlor nga nahimutang sa Tres Borces st., Barangay Mabolo, dakbayan sa Sugbo.

Giingong gi-hire ni Yoo ang duha ka mga babaye alang sa “prostitution or sexual exploitation by offering their sexual services to customers for profit or gain or other consideration”.

Apan, kasamtangang nakalingkawas si Yoo, kinsa tag-iya sa massage parlor, human siya nipiyansa kagahapon sa korte sa kantidad nga P200,000.

Gipirmahan ni Judge Soliver Peras ang release order.

Nisaysay ang reklamo nga gipasaka sa kapulisan sa dakbayan sa Sugbo batok kang Yoo nga nipahigayon sila og ronda niadtong Agosto 23 sa gabii ginamit ang pagtugot ni Cebu City Mayor Michael Rama ug sumala sa nalatid sa City Ordinance No. 1408 nga susihon ang mga massage clinic ug sauna bath parlor.

Ilang gisud ang massage parlor mga alas 11:30 sa gabii.

Gipakita sila sa receptionist sa mga kwarto unya sa ilang pagsusi nakit-an nila ang tulo ka mga tawo nga “performing pornography or exhibiting indecent shows/immoral plays” sud sa kwarto nga gisampungan lag kurtina.

Nakita nila ang usa ka lalake nga naghubo diha sa katre nga kuyog niya ang usa ka babaye nga nimasahe sa iyang kinatawo samtang may laing babaye nga nimasahe sa iyang ulo.

Bisan sa ilang presensya nga dunay nagtan-aw kanila, nagpadayon ang tulo sa pagpahigayon sa law-ay nga masahe nga daw sa wa lay nahitabo.

Niini, ilang gisikop ang duha ka mga babaye ug ang lalake.

Ilang gilakip si Yoo nga gituohan nilang nasayod sa ilang gibuhat.

Wa pay kaso nga gipasaka batok sa duha ka mga babaye ug lalake nga maoy nakit-an nga naghimo sa malaw-ay nga buhat. (JECT)