USA ka pamilya ang nakalingkawas sa kamatayon human usa ka dako kaayong bato niligid ngadto sa ilang balay sa Sitio Tigib, Barangay Lagtang, Talisay City niadtong Miyerkules sa gabii.

Ang dakong bato diriyot moigo sa magtiayong Danilo ug Helen Rallos ug sa ilang duha ka mga anak samtang sila diha nagluto sa kusina.

Updates on President Benigno Aquino III's presidency

Ang naigo mao ang ilang atop dayon ang sala.

Samang bato nga dunay gidak-ong sama og traysikol padayong niligid ug niigo sa ubos nga balay ni Emiliana Beltran, biyuda.

Suwerte kay sila si Beltran, iyang anak nga babaye ug duha ka mga apo wa diha sa balay dihang ang bato niligid mga alas 9 sa gabii.

Sunod sab nga nga nangadaot ang laing tulo ka mga balay nila ni Mark ug Vivian Paranta, Leonardo ug Maribeth Cabillon ug Roldan ug Lolita Tancinco human nangaigo sa managlahing higayon sa mga bato nga nangaligid.

Ang paglagubo sa mga bato nakaingon sa pagkaguliyan sa ilang mga silingan human sab sila mosiyagit og landslide.

Ang pagbunog sa uwan nakapahumok sa yuta sa ibabaw sa bungtod sa Sityo Tigib mao nga nangaligid ang mga bato.

Si City Councilor Celiapo Cabuenas daling nihangyo sa city engineering office sa pagsusi sa bungtod taliwa sa giingong mga bato nga kuyaw sab moligid.

Bagon lang ang giingong nakapugong sa mga bato nga maligid.

“The residents are now finding ways to remove the rocks that hang on,” matod ni the edge of the hill,” matod ni Barangay Secretary Renato Cabradilla.(GC sa Sun.Star Cebu)