ANG nahitabo nga hostage-taking sa Quirino Grandstand nga mikalas og walo ka kinabuhi lakip na sa hostage taker, paspas kaayo nga mikanit sa ubang bahin sa kalibutan.

Again, nahimong sentro sa atensiyon ang Pilipinas tungod sa hitabo.

Tungod sab niini, daghang nasyun ang misaway sa Pilipinas, lakip na mga opisyal dinhi.

Usa sa pinakabug-at nga aksiyon sa Hong Kong authorities mao ang pag-isyu nila og travel ban sa tanan nilang nationalities dinhi.

Sa hitabo, daghan ang mikondena, apan alang sa international action star nga si Jackie Chan, nga naka-base sa Hong Kong, dunay rational ug sensitibo nga ekplanasyon ang tanan.

Say pa nga pila ka oras human sa hitabo, si Jackie nag-post og mensahe sa iyang Twitter account nga @EyeOfJackieChan.

Niya pa: "this kind of things always happen around the world. It happen to hk's people, the whole hk is talking about it. It's really sad."

Nasabtan sab sa action star kun unsa kalisod ang sitwasyon alang sa mga otoridad nga miresponde sa hitabo.

"If they killed the guy sooner, they will say why not negotiate first? If they negotiate first, they ask why not kill the guy sooner? So sad," sa iyang tweet.

Tungod sab sa hitabo, may mga Pinoy karon sa Hong Kong ang nakabati og diskriminasyon, nga wala mauyuni sa action star.

"HK is a nation built by a lot of people."

"Don't worry, we do not hate!," say ni Jackie.

Gi-share sab ni Jackie ang iyang biyahe nga gihimo sa Korea. Sulti niya, "I remember the day before in korea we talked about how people should love each other. We already have so many natural disasters...typhoon, tsunami, everything. Humans should be united and not kill or hate each other."