2 karnaper tiklo

DUHA ka mga suspetsadong karnaper og motorsiklo ang nangasikop sa mga sakop sa Police Station 4 (PS4) sa Carmen sa duha ka managlahi nga operasyon niadtong niaging adlaw.

Si Police Superintendent Salvador Radam, hepe sa PS4, niila sa mga suspetsado nga mao si Jimmy Nahial, 33, taga 13th St., Nazareth; ug Henry Puruggana, 30, taga Villa Cristo Subdivision, Barangay Bonbon ning siyudad sa Cagayan de Oro.

Ang inisyal nga imbestigasyon sa kapolisan nagbutyag nga usa ka Suzuki nga motorsiklo nga dunay plate number 7D-6043 nga gipanag-iya ni Sampaguita Betonio ang gikataho nga gikawat samtang giparada duol sa Xavier University Grade School sa Nazareth niadtong Sabado sa gabii.

Matud ni Betonio nga ang suspetsadong karnaper nangayo og P15 mil bugti sa maong motorsiklo.

Ang lider sa grupo nga mao si Ramil Entece giingong nipadala nila Nahial ug Puruggana aron pagkuha sa maong kantidad ngadto sa biktima.

Matud ni Radama ang maong krimen susama sa kidnap-for-ransom tungod kay nangayo man og kantidad ang mga suspetsado ngadto sa biktima aron mauli ang motorsiklo.

Kasong carnapping ang ipasaka nga kaso batok sa mga suspetsado tungod kay ila man nga gikuha ang motorsiklo nga walay pagtugot sa tag-iya.

Ang motorsiklo anaa karon sa PS4 samtang ang mga suspetsado detinado sa Maharlika Detention Cell sa Carmen. (Michael Andrew W. Yu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph